- २०८२ जेठ ५ सोमबार
काठमाडौँ । भारतको सबैभन्दा ठूलो तेल कम्पनी, इन्डियन आयल कर्पोरेशनले देशमा पेट्रोल, डिजेल र खाना पकाउने ग्यास एलपीजीको पर्याप्त उपलब्धता रहेको जानकारी दिएको छ ।
भारतका विभिन्न शहरहरुमा पेट्रोल पम्प बाहिर मानिसहरुको ठुलो लाइन हुन थालेपछि इन्डियन आयल कर्पोरेशनले यस्तो बयान दिएको हो ।
पाकिस्तानसँग सीमा जोडिएका राज्यहरूमा, विशेष गरी पेट्रोल र डिजेलको बारेमा धेरै त्रास छ र मानिसहरू इन्धन किन्न पेट्रोल पम्प बाहिर लाइनमा बसिरहेको देखिएको छ ।
आयल कर्पोरेसनले शान्त रहेर र अनावश्यक भीडभाडबाट बचेर सेवा प्रदान गर्न मद्दत गर्न समेत आग्रह गरेको छ ।
इन्धनको आपूर्ति लाइनहरू निर्बाध रूपमा सञ्चालनमा रहने र सबैका लागि निर्बाध इन्धन पहुँच सुनिश्चित गर्ने स्पष्ट गरेको छ ।
८-९ मे को राति, पाकिस्तानी सेनाले भारतका धेरै शहरहरूमा ड्रोन र मिसाइल आक्रमण गर्ने असफल प्रयास गरेको र त्यसलाई भारतीय सेनाले पाकिस्तानको आक्रमणलाई विफल पारेको भारतीय मिडियाहरुले उल्लेख गरेका छन् । परिस्थितिलाई हेर्दा भारत र पाकिस्तानबीच द्वन्द्व बढ्ने डर देखिएको छ ।
पहलगाम आतंकवादी हमलाको बदला लिन भारतले बुधबार पाकिस्तानका नौ आतंकवादी शिविरहरूमा आक्रमण गरेको थियो । आक्रमणमा भारतले पाकिस्तानी सैन्य वा नागरिक निशानामा कुनै क्षति नपुर्याएको बताएको छ ।
