- २०८२ जेठ ५ सोमबार
काठमाडौँ । मंगलबार नेपाली बजारमा सुनको मूल्यमा भारी वृद्धि भएको छ । नेपाल सुनचाँदी व्यवसायी महासंघका अनुसार आज सुन तोलामा ५ हजार ३०० रुपैयाँले बढेको छ ।
महासंघका अनुसार आज सुन तोलाको एक लाख ८९ हजार ९ सय रुपैयाँमा कारोबार भइरहेको छ ।
यसअघि सोमबार सुन तोलाको एक लाख ८४ हजार ६०० रुपैयाँमा कारोबार भएको थियो ।
त्यस्तै आज चाँदीको मूल्यमा पनि वृद्धि भएको छ । आज चाँदी तोलामा ५५ रुपैयाँले बढेर १९६५ रुपैयाँमा कारोबार भइरहेको महासंघले जनाएको छ । यसअघि सोमबार चाँदी तोलामा १९१० मा कारोबार भएको थियो ।
