- २०८२ जेठ ५ सोमबार
काठमाडौँ । पोप फ्रान्सिसको उत्तराधिकारी अर्थात् नयाँ पोप खोज्ने सम्मेलन मे ७ देखि भ्याटिकनमा सुरु हुने भएको छ । भ्याटिकन सिटीले यस बारेमा जानकारी दिएको छ ।
पोपको मृत्युपछि, विश्वभरका सबै कार्डिनलहरू नयाँ पोप चयन गर्न भेला हुन्छन् । यी सबै मानिसहरू सम्मेलनमा बस्छन् । एक पटक सम्मेलन सुरु भएपछि, नयाँ पोप चयन नभएसम्म उनीहरू त्यहीं बस्नुपर्ने नियम रहेको छ । हाल विश्वभर २५२ कार्डिनलहरू छन्, जसमध्ये १३५ कार्डिनलहरूले पोप निर्वाचित गर्न मतदान गर्नेछन् ।
आधुनिक युगमा, मोबाइल फोन, सेलुलर फोन र ट्रान्समिटर रेडियोको आगमनसँगै, सम्मेलनलाई गोप्य राख्नमा बढी जोड दिइएको छ । सबै कार्डिनलहरू बस्ने सम्पूर्ण क्षेत्र जाँच गरिन्छ ताकि त्यहाँबाट कुनै पनि जानकारी चुहावट नहोस् । सबै कार्डिनलहरू सिस्टिन चैपलमा खान्छन्, मतदान गर्छन् र सुत्छन् । यो प्रक्रियामा सबै रेडियो, टेलिभिजन र सञ्चारका अन्य माध्यमहरूलाई प्रतिबन्ध लगाइएको छ ।
कार्डिनलहरूको हेरचाह गर्न भान्से, डाक्टर र केही नोकरहरू छन् । कुनै पनि कार्डिनलले आफ्ना कुनै पनि सहयोगीलाई सम्मेलनमा लैजान सक्दैनन् । ८० वर्ष मुनिका सबै कार्डिनलहरू भेला भएपछि, ल्याटिन भाषामा चुनाव प्रक्रियामा संलग्न हुन आदेश दिने गरिन्छ र सम्मेलन हलको ढोका बन्द हुन्छ ।
पोप कसरी निर्वाचित हुन्छन्?
भ्याटिकनले मतदान प्रक्रियाको बारेमा स्पष्ट जानकारी दिएको छैन । प्रत्येक कार्डिनलले आफ्नो पोपको नाम कार्डमा लेख्छन् र प्लेटमा राख्छन् ।
यी सबै एकै ठाउँमा जम्मा गरिन्छ । यस प्रक्रियाक बीचमा उनीहरूबीच कुनै कुराकानी नहुने बताइएको छ । जब सबै कार्डिनलहरूले आफ्नो मनपर्ने पोपको नाम लेख्छन् । त्यसपछि दुई राउन्ड गणना पछि यी कार्डहरू जलाइन्छन् । १९७५ मा, पोप पल छैठौंले चुनाव प्रक्रिया तय गरेका थिए । ८० वर्षभन्दा माथिका कार्डिनलहरूले मतदान नगर्ने निर्णय उनले नै गरेका थिए । पोप जोन पल द्वितीयले १९९६ मा यसमा केही परिवर्तन गरेका थिए । पहिले पोप निर्वाचित हुन जो कोहीलाई पनि दुई तिहाइ बहुमत प्राप्त गर्न आवश्यक थियो, तर यो परिवर्तन गरिएको छ । अब जो कोही पनि पोप बन्न आधाभन्दा बढी मत आवश्यक पर्दछ । सम्मेलनका दुई चरणहरू छन् र प्रत्येक चरणको फरक-फरक आवश्यकताहरू छन् ।
परम्परा अनुसार चुल्होमा मतपत्र बालिन्छ । यसले नयाँ पोपको निर्वाचनलाई संकेत गर्छ । यी मतपत्रहरूबाट निस्कने धुवाँको रंगले सेन्ट पिटर्स स्क्वायरमा पर्खिरहेका मानिसहरूलाई पोपको निर्वाचन सम्पन्न भएको संकेत गर्दछ । यदि धुवाँ सेतो छ भने, यसको अर्थ नयाँ पोप निर्वाचित भएको छ भन्ने हुन्छ । तर यदि धुवाँको रंग कालो देखिएमा, यसको अर्थ पोपको नाममा सहमति हुन बाँकी नै रहेको बुझिन्छ । यो धुवाँ सिस्टिन चैपलको चिम्नीबाट निस्किने बताइन्छ । कन्क्लेभका नियमहरू हरेक हिसाबले धेरै कडा छन्, तर नियमहरूले धुवाँको रंगको बारेमा केही पनि भन्दैनन् । यो धुवाँ र यस धुवाँको रंगले मात्र सम्मेलन भित्र के भइरहेको छ भनेर अनुमान गर्न सकिने बताइएको छ ।
