- २०८१ मङ्सिर ८ शनिबार
काठमाडौँ । बलिवुडको बहुप्रतिक्षित फिल्म अल्लु अर्जुनको फिल्म ‘पुष्पा २’ मा अभिनेत्री श्रीलीलाको 'आइटम गीत' हुने भएको छ ।
फिल्ममा श्रीलिलाले दक्षिण भारतीय अभिनेत्री सामन्था रुथ प्रभुको स्थानमा आइटम नम्बर गर्ने भएसँगै उनको चर्चा शिखरमा पुगेको छ । श्रीलीला तेलुगु सिनेमाको सबैभन्दा मनपर्ने नायिका हुन् र धेरै स्टार नायकहरूसँग काम गरिसकेकी छिन्। ‘पुष्पा २’ उनको अहिलेसम्मको सबैभन्दा ठूलो प्रोजेक्ट भए पनि चलचित्रमा आफ्नो डान्स मुभबाट प्रभावित पार्न अभिनेत्रीलाई दबाब पनि रहनेछ ।
यसअघि अभिनेत्री सामन्था रुथ प्रभुले ‘पुष्पा’को ‘उ अन्वा’ गीतमा धमाकेदार प्रस्तुति दिएकी थिइन् । उनको यो गीत हिट साबित भयो । उनको हट स्टाइललाई दर्शकले निकै रुचाएका थिए ।
सामन्थाले फिल्मको पहिलो भागमा आफ्नो अभिनयले एक स्तर कायम गरेकी छिन् र दर्शकको अपेक्षा पनि बढाएकी छिन् । यस्तो अवस्थामा श्रीलीलाका लागि आफ्नो डान्स मुभबाट मानिसहरूलाई प्रभावित पार्नु ठूलो चुनौती हुनेछ । यसबाहेक, उनीसँग यो प्रश्न पनि छ कि उनी सामन्थाको ग्ल्यामरसँग मेल खान सक्षम हुनेछिन् कि छैन।
मिडिया रिपोर्टका अनुसार ‘पुष्पा २’ को यो आइटम गीतको लागि श्रीलीलाले २ करोड पारिश्रमिक लिएकी छन् ।
रिपोर्टका अनुसार ‘पुष्पा’ र ‘पुष्पा २’ मा श्रीलीलाको पारिश्रमिकको तुलनामा फिल्मको पहिलो भागमा देखिएकी सामन्था रुथ प्रभुले अभिनेत्रीभन्दा बढी पारिश्रमिक लिएकी छन् । सामन्थाले ‘उ अन्वा’ आइटम गीतका लागि ५ करोड पारिश्रमिक लिएको बताइएको छ ।
डिसेम्बर ५ मा रिलिज हुने पुष्पा-२ को ट्रेलर सार्बजनिक भएसँगै यसको व्यग्र प्रतिक्षा भइरहेको छ ।
