- २०८१ बैशाख १४ शुक्रबार
काठमाडौँ । इण्डियन प्रिमियर लिग (आइपिएल) को फाइनल खेलमा चेन्नई सुपर किंग्सले टस जितेर पहिला बलिङ गर्ने निर्णय गरेको छ ।
अहमदावादको नरेन्द्र मोदी स्टेडियममा आइतबारको खेल बर्षाले हुन नसकेपछि आज हुन लागेको हो ।
चेन्नईका कप्तान महेन्द्र सिंह धोनीले टस जितेर पहिला बलिङ गर्ने निर्णय गरेका छन् । दुवै टिमले फाइनल खेलका लागि अघिल्लो खेलमा खेलाएकै खेलाडीलाई समावेश गरेका छन् ।
चेन्नई आइपिएलको इतिहासमा १०औं पटक फाइनल खेलिरहेको छ भने दोस्रो पटक आइपिएल खेलिरहेको गुजरात टाइटन्स लगातार दोस्रो पटकनै फाइनल खेलिरहेको छ । गुजरात आइपिएलको डिफेन्डिङ च्याम्पियन हो ।
