- २०८१ बैशाख ७ शुक्रबार
काठमाडौं । इटालियन सिरी ए अन्तर्गत एसी मिलानले युभेन्टसलाई पराजित गरेको छ ।
गएराती सम्पन्न खेलमा मिलानले युभेन्टसलाई १-० गोल अन्तरले पराजित गरेको हो ।
मिलानको जितमा खेलको ४०औं मिनेटमा ओलिभर जिराउडले गरेको गोल नै खेलको निर्णायक गोल बनेको थियो ।
यो जितपछि मिलान यस सिजनमा शिर्ष चारमा आफ्नो स्थान सुनिश्चित गर्दै अर्को सिजनको च्याम्पियन्स लिगमा आफ्नो स्थान सुरक्षित गरेको छ ।
मिलानको ३७ खेलमा ६७ अंक रहेको छ । त्यस्तै यस सिजनमा उपाधि जितेको नापोलीसहित लाजियो र इन्टर मिलनले पनि अर्को सिजनको च्याम्पियन्स लिगमा आफ्नो स्थान सुरक्षित गरेका छन् ।
त्यस्तै युभेन्टसको भने ३७ खेलमा ५९ अंक रहेको छ र लिगमा सातौं स्थानमा रहेको छ ।
