- २०८१ बैशाख ८ शनिबार
काठमाडौँ । प्रिन्स ह्यारी र उनकी श्रीमती मेघन मार्कललाई मंगलबार राती न्युयोर्कमा पापाराजीले पिछा गरेको विषय अहिले चर्चामा रहेको छ ।
यो घटनाले फेरि एक पटक सन् १९९७ मा प्रिन्स ह्यारीकी आमा राजकुमारी डायनाको कार दुर्घटनाको सम्झना गराएको छ । पपाराजी फोटोग्राफरहरूबाट बच्न खोज्दा पेरिसमा उनको कार दुर्घटनामा परेर निधन भएको थियो ।
मंगलबार राति भएको घटना मेघन र ह्यारी एक अवार्ड शोबाट फर्किंदै गर्दा भएको बताइएको छ । ह्यारीका प्रवक्ताले एक विज्ञप्तिमा भनेका छन्- 'दुई घण्टा भन्दा बढी समयसम्म चलेको पापाराजीको पिछाले अन्य सडक प्रयोगकर्ताहरूलाई असुविधा भयो । पैदलयात्री र न्यूयोर्क पुलिस विभागका दुई अधिकारीहरू बीच टक्कर समेत भएको थियो ।'
भारतीय-अमेरिकी क्याब चालक सुखचरण सिंह, जसले प्रिन्स ह्यारी र मेघन मार्कललाई न्युयोर्कमा छोटो समयका लागि पापाराजीबाट जोगिनका लागि ड्राइभ गरेका थिए । असफ्ड्यूनो ट्कयाक्सीमा बसेको बेला ह्यारी र मेघन नर्भस देखिएको बीबीसीसँगको कुरा गर्दै बताए ।
सिंहले ह्यारी र मेघनलाई मिडटाउन म्यानहट्टनको स्थानीय प्रहरी परिसरमा छोडेको बताए । उनले भने- 'म ६७औं सडकमा थिएँ र त्यसपछि सुरक्षा गार्डले मलाई अभिवादन गरे । राजकुमार ह्यारी र उनकी पत्नी मेरी ट्याक्सीमा जाँदै थिए । बाटोमा फोहोर बोक्ने ट्रक उभिरहेको थियो, र अचानक पापाराजी आए र फोटो खिच्न थाले ।'
सिंहले ह्यारी र मेघन आफ्नो गन्तव्यमा पुग्न लागेका थिए जब सुरक्षा गार्डले पुलिसलाई परिसरमा फर्किन आग्रह गरेका थिए । सो समय ह्यारी र मेघन नर्भस देखिएका थिए, किनकी उनीहरुलाई कसैले पछ्याउँदै थिए । मंगलबार राती, ह्यारी र मेघन मेघनकी आमा डोरिया रागल्याण्डसँग शहरमा एक पुरस्कार समारोहमा भाग लिएका थिए । जब तिनीहरू समारोहमा पुगेदेखि नै फोटोग्राफरहरूले उनीहरूलाई पछ्याएका थिए । दम्पतीले म्यानहट्टन पुलिस स्टेशनमा शरण लिएर पापाराजीबाट भाग्ने प्रयास गरे, जहाँ सिंहले उनीहरूलाई आफ्नो कारमा बसाएका थिए ।
एक विज्ञप्तिमा, ह्यारी र मेघनका प्रवक्ताले उनीहरूले लगभग विनाशकारी तरिकामा पिछाको अनुभव गरेको उल्लेख छ । न्यूयोर्क पुलिसले पनि धेरै फोटोग्राफरहरूले आफ्नो यात्रालाई चुनौतीपूर्ण बनाएको प्रवक्ताले बताए ।
ड्राइभर सिंहले भने ह्यारी र मेघन ट्याक्सीबाट उत्रिएपछि करिब १० मिनेटको उनका गार्डले ५० डलर दिएको बताए । साथै गार्डले थप रकम चाहिन्छ भन्दै सोधेको समेत बताए ।
