- २०८१ बैशाख १४ शुक्रबार
मकवानपुर । बागमती प्रदेश सरकारका मुख्य न्यायाधिवक्ता ज्ञानेन्द्र नेपालले आज यहाँ पद तथा गोपनीयताको शपथ लिएका छन् ।
उच्च अदालत पाटनका मुख्य न्यायाधीश महेश पुडासैनीले प्रदेशप्रमुख यादवचन्द्र शर्माको उपस्थितिमा मुख्य न्यायाधिवक्ता नेपाललाई पद तथा गोपनीयताको शपथ गराए ।
नेपालले प्रदेशप्रमुखको कार्यालय बागमतीमा आयोजित एक समारोहबीच मुख्य न्यायाधिवक्ताको काम, कर्तव्य र अधिकार तथा सेवाका सर्तसम्बन्धी ऐन, २०७५ को दफा १४ बमोजिम शपथग्रहण गरेका प्रदेश, प्रदेशप्रमुखको कार्यालय हेटौँडाले जनाएको छ । शपथग्रहण समारोहमा मुख्यमन्त्री शालिकराम जमकट्टेल र अन्य मन्त्रीहरू उपस्थित थिए ।
मुख्यमन्त्री जमकट्टेलले नेपाललाई मुख्य न्यायाधिवक्तामा नियुक्त गरेका हुन् ।
