- २०८१ बैशाख ७ शुक्रबार
काठमाडौं । नेपालले आईसिसी विश्वकप लिग टु अन्तर्गतको नामिबियामा जारी त्रिकोणात्मक सिरिजमा स्टकल्याण्डलाई १३८ रनको लक्ष्य दिएको छ ।
टस हारेर पहिला ब्याटिंग गरेको नेपालले ४०.१ ओभरमा अलआउट हुदै १३७ रन बनाएको हो ।
नेपालका लागि ज्ञानेन्द्र मल्लले २५ रन बनाएका थिए भने अर्जुन साउदले १८ रन बनाए । त्यस्तै कप्तान रोहित पौडेलले १७, आरिफ सेखले १० रनको योगदान दिए ।
त्यसैगरी आसिफ सेखले ७, कुशल भुर्तेल शुन्य, दिपेन्द्र सिंह ऐरी ९ र कारण केसी ८ ले रनको योगदान दिए । त्यस्तै गुलसन झाले २९, सागर ढकालले ४ र ललित राजबंशीले ३ रन बनाएका थिए ।
स्कटल्याण्डका लागि क्रिस सोलले सर्बाधिक ३ विकेट, मार्क वाटले २ विकेट लिए भने ब्राण्डन म्याकमुलेन, सफयान शरिफले एक एक विकेट लिएका थिए ।
यस सिरिजको पहिलो खेलमा नेपाल र नामिबियाबीचको खेल बर्षाले रद्ध हुदा एक एक अंक बाँडेका थिए ।
विश्वकप लिग टू मा नेपाल २१ खेलमा १८ अंक रहेको छ भने छैठौं स्थानमा रहेको छ । त्यस्तै स्कटल्याण्डको२९ खेलमा ४२ अंक रहेको छ र दोस्रो स्थानमा रहेको छ भने नामिबियाको २८ खेलमा २८ अंकसहित चौथो स्थानमा छ ।
