- २०८१ बैशाख ७ शुक्रबार
काठमाडौं । पछिल्लो २४ घण्टामा थप ५४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ३८२९ जनाको नमूना परीक्षण गर्दा ५४ जनामा संक्रमण देखिएको हो ।
१७२९ को पिसीआर परीक्षणबाट ४२ जना र २१०० को एन्टीजेन परीक्षणबाट १२ जनामा संक्रमण पुष्टि भएको हो ।
यसैगरी, हाल नेपालमा ११ सय ४४ जना संक्रिय संक्रमित रहेको मन्त्रालयले जनाएको छ । आज संक्रमितको मृत्यु भएको छैन ।
हालसम्म नेपालमा कोरोना संक्रमणका कारण १२ हजार १७ जनाले ज्यान गुमाइसकेका छन् ।
