- २०८१ बैशाख १२ बुधबार
काठमाडौं । पछिल्लो २४ घण्टामा थप ६६ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ३२६२ जनाको नमूना परीक्षण गर्दा ६६ जनामा संक्रमण देखिएको हो ।
११९० को पिसीआर परीक्षणबाट ५९ जना र २०७२ को एन्टीजेन परीक्षणबाट ७ जनामा संक्रमण पुष्टि भएको हो ।
यसैगरी, हाल नेपालमा १४ सय ७ जना संक्रिय संक्रमित रहेको मन्त्रालयले जनाएको छ । आज संक्रमितको मृत्यु भएको छैन ।
हालसम्म नेपालमा कोरोना संक्रमणका कारण १२ हजार १६ जनाले ज्यान गुमाइसकेका छन् ।
