- २०८१ बैशाख ७ शुक्रबार
काठमाडौं । काठमाडौं महानगरपालिकाले हात्तिसार क्षेत्रमा गायब भएको टुकुचा खोला भेटाएको छ ।
बिहीबार महानगरले नक्साअनुसार गरेको मार्किङका आधारमा डोजरले खनेर हेर्दा हातिसारस्थीत जय नेपाल हलको कम्पाउन्डमा टुकुचा खोला भेटिएको छ ।
वडा नम्बर ४ बाट सुरु भएको टुकुचा खोला नारायणहिटी दरबार क्षेत्रबाट निस्किएपछि जयनेपाल हल क्षेत्रमा गायब भएको बताइदै आएको थियो ।
स्थानीयहरुले धेरै पहिला देखि नै सो क्षेत्रमा उत्खननको माग राख्दै आएपनि अहिलेसम्म बेवास्ता गरिएको थियो ।
विहिबार जय नेपाल हलको कम्पाउन्डमा करिव १५ फिट खन्दा नै टुकुचाको वहाव भेटिएको छ ।
टुकुचा खोलाको अतिक्रमण हटाउन काठमाडौँ महानगरले यस अघि साउन १२ गते नै ३५ दिने अल्टिमेटम दिएको थियो ।
