काठमाडौं । साफ यू-२० च्याम्पियनसिप फुटबलमा पहिलो हाफ १-० गोलले पछि परेको छ ।
भुवनेश्वरस्थित कालिंगा स्टेडियममा जारी खेल भारतले नेपालविरुद्ध सुरुआती अग्रता बनाएको हो ।
खेलको ३१ औं मिनेटमा टाइसन सिंहले गोल गर्दै भारतलाई अग्रता दिलाएका हुन् ।
आज नेपाल लगातार तेस्रो जितको खोजीमा हुनेछ ।
पहिलो खेलमा नेपालले माल्दिभ्सलाई ४-० गोल अन्तरले हराएको थियो । यस्तै दोस्रो खेलमा नेपालले श्रीलंकालाई ३-० गोल अन्तरले हराएको थियो ।
नेपाल २ खेलमा ६ अंक जोडेर दोस्रो स्थानमा रहेको छ । यदि भारतलाई हराएमा नेपाल शीर्ष स्थानमा उक्लनेछ ।
भारत पनि नेपाललाई हराएर दोस्रो जित निकाल्न चाहन्छ । भारत २ खेलमा ३ अंक जोडेर तेस्रो स्थानमा रहेको छ ।
फाइनलमा स्थान बनाउन भारतलाई नेपालविरुद्धको खेल जित्नुपर्ने दबाब रहेको छ ।