- २०८१ बैशाख ८ शनिबार
काठमाडौँ । दक्षिण अफ्रिकाको टी–२० लिगका टिमको टुंगो लागेको छ । दक्षिण अफ्रिकाले शुरु गर्ने टी-२० लिगमा इण्डियन प्रिमियर लिग (आइपिएल) का फ्रेंचाइजी मालिकहरुले सबै टिम किनेका छन् ।
ईएसपीएनको रिपोर्ट अनुसार मुम्बई इन्डियन्सको अम्बानी परिवार, चेन्नई सुपर किंग्सको एन. श्रीनिवासन, दिल्ली क्यापिटल्सका पार्थ जिन्दल, सनराइजर्स हैदरावादका मारन परिवार, लखनउ सुपर जाइन्ट्सका सञ्जीव गोयन्का र राजस्थान रोयल्सका मनोज बडालेले यस लिगमा ६ वटा फ्रेन्चाइजी खरिद गरेका छन् ।
कसले कुन टोलीलाई पायो ?
अनौपचारिक लिलामीमा चेन्नई सुपर किंग्सले सबैभन्दा बढी बोली लगायो र जोहानेसबर्ग फ्रेन्चाइजी पाएको छ । मुम्बई इन्डियन्सले केप टाउन टिम पाएको छ भने सनराइजर्स हैदरावादको स्वामित्वमा रहेको सन टिभी ग्रुपले पोर्ट एलिजाबेथ फ्रान्चाइजी पाएको छ । लखनउका सञ्जीव गोयन्काले डर्बनबाट टोली छनोट गरेका छन् । योसँगै राजस्थान रोयल्सले पार्लको टोली किनेको छ । दिल्ली क्यापिटल्सको टोली प्रिटोरिया हुनेछ। चाँडै दक्षिण अफ्रिका बोर्डले नयाँ मालिकहरूको औपचारिक घोषणा गर्नेछ ।
ग्रीम स्मिथ यस लिगको कमिश्नर हुनेछन्
दक्षिण अफ्रिकाका पूर्व कप्तान ग्रीम स्मिथ यस लिगको कमिश्नर हुनेछन् । कुनै क्रिकेटरले टी–२० फ्रेन्चाइज लिगको नेतृत्व गर्ने यो पहिलो पटक हो । यो लिग सुरु गर्ने आइडिया आईपीएलका पूर्व प्रमुख अपरेटिङ अफिसर सुन्दर रमनको हो ।
मुम्बई र चेन्नईले सबैभन्दा ठूलो बोली लगायो
प्रतियोगिताको टोली किन्न बोलपत्रको म्याद सुरुमा ११ जुलाई थियो, जुनपछि लम्बाई १३ जुलाईसम्म गरिएको थियो । टोलीका लगानीकर्ताहरूलाई उनीहरूको सफल बोलपत्रहरूको बारेमा सूचित गरिएको छ । मुम्बई र चेन्नईले सबैभन्दा बढी बोली लगाएको छ, जुन करिब २५० करोड भारु हो । आईपीएल मोडलमा जस्तै, प्रत्येक फ्रेन्चाइजीले १० वर्षसम्म फ्रान्चाइजी शुल्कको १० प्रतिशत तिर्नुपर्नेछ ।
स्टार खेलाडी पनि सहभागी हुनेछन्
अर्को टी-२० लिग जनवरी २०२३ मा युएईमा खेलिनेछ, जुन दक्षिण अफ्रिकी लिगको मितिसँग भिड्नेछ । त्यो पनि जनवरी-फेब्रुअरी, २०२३ सम्म सुरु हुन सक्छ । यस्तो अवस्थामा दुवै लिगका आयोजकबीच वार्ता भएको छ र इङ्ल्यान्डका कप्तान जोस बटलर, लियाम लिभिङस्टोनलगायत धेरै खेलाडी दक्षिण अफ्रिकी लिग खेल्न इच्छुक रहेको बताइएको छ । तर, मोइन अली युएई लिग खेल्न राजी भएका छन् ।
वेस्ट इन्डिजका खेलाडीहरूले पनि यूएई लिग खेल्न रुचि देखाएका छन्, जबकि ड्वेन ब्राभो दक्षिण अफ्रिकी लिगमा चेन्नई फ्रेन्चाइजीको हिस्सा हुन सक्छन् । फाफ डु प्लेसिसले पनि आफ्नो देशको लिगलाई पहिलो रोजाइको रुपमा व्याख्या गरेका छन् । यसैबीच, भारतीय खेलाडीहरू यस लिगको हिस्सा हुनेछन् वा छैनन् भन्ने बारे स्पष्ट भएको छैन ।
