- २०८१ बैशाख ८ शनिबार
काठमाडौँ । अफ्रिकाको युगान्डाबाट डरलाग्दो खबर बाहिर आएको छ । यहाँ एक महिलाले ४० वर्षको उमेरमा ४४ सन्तानलाई जन्म दिएकी छन् । चिकित्सकका अनुसार बच्चा नजन्माएमा उनको स्वास्थ्य बिग्रन सक्ने थियो र उनको ज्यान समेत जान सक्ने थियो ।
४० वर्षीया मरियम नबतान्जले दुई पटक मात्रै एकल बच्चा जन्माएकी छिन् । यसबाहेक उनले चार पटक जुम्ल्याहा, पाँच पटक तीन पटक र चार पटक पाँच सन्तान जन्माएकी छिन् । उनका ६ छोराछोरीको मृत्यु भएको छ भने अहिले उनका सन्तानमा २० छोरा र १८ छोरी जीवित छन् । उनी एक्लै यी सबैको हेरचाह गर्छिन् ।
एक रिपोर्टका अनुसार मरियमलाई १२ वर्षको उमेरमा उनका अभिभावकले विवाहको बहानामा २७ बर्ह्सिय युवालाई बेचेका थिए । जब उनले १३ वर्षको उमेरमा पहिलो सन्तानलाई जन्म दिइन्, डाक्टरहरूले उनको प्रजनन क्षमता अन्य महिलाको तुलनामा बढी भएको बताए ।
डाक्टरहरूले मेरीलाई उनको अण्डाशय असामान्य रूपमा ठूलो भएको बताए । जसका कारण उनको शरीरमा हाइपर ओभ्युलेसन भनिने अवस्था सिर्जना भएको छ । हाइपर-ओभ्युलेट अवस्था आनुवंशिक हो । यस्तो अवस्थामा थप सन्तान जन्माउने सम्भावना धेरै गुना बढेको चिकित्सकले बताएका छन् । यस अवस्थामा कुनै पनि गर्भनिरोधक प्रविधिले काम गर्दैन र यदि यो गरियो भने पनि गम्भीर रोगको जोखिम हुन सक्छ । हाइपरभ्युलेसनका लागि उपचारहरू अवस्थित छन्, तर ती प्रविधिहरू ग्रामीण युगान्डामा आउन गाह्रो थियो ।
अहिले आफ्ना छोरा छोरीलाई हुर्काउन उनी आफै लागेको मिडिया रिपोर्टमा बताइएको छ । उनका पतिले लामो समय घरबाट छोडेर जाने र बच्चा हुर्काउने जिम्मेवारी नलिएपछि आफुले एक्लै बच्चा हुर्काउनु परेको बताएकी छन् ।
उनलाई हरेक दिन परिवारको खानपानको व्यवस्थापनमै व्यस्त हुनुपरेको बताएकी छन् । उनको परिवारको लागि हरेक दिन १० किलो मकै या मकैको पिठो, ७ किलो बिन्स र ४ किलो चिनी चाहिने बताएकी छन् । उनको ठुलो खर्च नै खानामा भैरहेको उनले भनाई छ ।
अहिले उनका केहि छोरा छोरी काममा समेत लागि सकेका छन् । उनको पहिलो जन्मिएका जुम्ल्याह छोरी नर्स बनिसकेका छन् भने केहि छोरा विल्डर बनेका छन् । अन्य छोरा छोरीले पनि पढाई गरिरहेका छन् ।
