- २०८१ बैशाख ७ शुक्रबार
काठमाडौं । प्रमुख प्रतिपक्षी दल एमाले अध्यक्ष केपी ओलीले अर्थमन्त्रालयको सिसिटिभी फुटेज हटाइएको विषयको संसदीय छानबिन समिती बनाउन माग गरेका छन् ।
सोमबार प्रतिनिधिसभाको बैठकमा बोल्दै उनले ओलीले थोरै समय दिएर संसदीय समिति बनाएर छानबिन गर्न माग गरेका हुन् ।
उनले यस्ता विषयलाई छोडेर अगाडी जान नसकिने बताउदै १३ दिनमा सिसिटिभी फुटेज हटाउने अधिकार कसले दियो ? भन्ने प्रश्न गरेका छन् ।
उनले सरकारले आर्थिक वर्ष २०७९/०८० बजेट देशका लागि नभएर निश्चित व्यापारी घरानालाई फाइदा पुग्ने गरी ल्याएको आरोप लगाए ।
अर्थ मन्त्रालयमा व्यापारी बोलाएर र उनीहरूकै इच्छाअनुसार करको दर परिवर्तन गरिएको भन्दै उनले व्यापारीका मान्छे राखेर बजेट बनाउनु आर्थिक अनुशासनहीनताको पराकाष्ठा भएको पनि बताए । यसबारे छानबिन गर्न ओलीले माग गरे ।
अर्थमन्त्री जनार्दन शर्माले एमाले को हो ? उसले भन्दैमा सिसिटिभी फुटेज दिनुपर्छ ? भनेर दिएको अभिव्यक्तिप्रति प्रतिवाद गर्दै ओलीले यसबारे मन्त्री मात्र होइन, सिंगो मन्त्रिपरिषद्सहित प्रधानमन्त्री जवाफदेही हुनुपर्ने बताए ।
