- २०८१ बैशाख ८ शनिबार
काठमाडौँ । ललितपुर महानगरपालिकाले पालिकाभित्र ठेला गाडामा पानीपुरी बेच्न रोक लगाएको छ ।
महानगरप्रमुख चिरीबाबु महर्जनले पानीपुरीको पानीमा हैजाको जीवाणु हुनसक्ने खतरा देखिएपछि ठेला गाडामा पानीपुरी बेच्न रोक लगाउने निर्णय गरेका हुन् ।
ललितपुर महानगरका नगर प्रहरीहरुले ठेला गाडामा पानीपुरी विक्री गर्नेहरुलाई महानगरबाट हटाएका छन् । नगरप्रहरी प्रमुख सिताराम हाछेथुका अनुसार महानगरले अर्को निर्णय नगरेसम्म अब महानगरभित्र ठेला गाडामा पानीपुरी बिक्री गर्न पाइने छैन । यो निर्णय सोमबार देखि लागु हुने महानगरले बताएको छ ।
