• २०७९ श्रावण २७ शुक्रबार

मस्कको भविष्यवाणी- जापान पूर्ण रूपमा लोप हुनसक्छ !

kharibot

काठमाडौँ । टेस्लाका मालिक तथा विश्वकै धनी व्यक्ति एलन मस्कले फेरि एकपटक थप सन्तान जन्माउने कुरा गरेका छन् । मस्कले अमेरिकाको जन्मदर लगातार घट्दै गएको र स्थितिमा सुधार नभए जापानजस्तो अवस्था आउने चेतावनी दिएका छन् । जापानमा जन्मदरमा कमी आएको छ । उनले भने, ‘मैले जहिले पनि घट्दो जन्मदर र धेरै सन्तान जन्माउने कुरा गरेको छु ।'

जानकारीको लागि मस्कका विभिन्न पत्नीबाट आठ सन्तान छन् । गत वर्ष जापानमा जन्मदर ६ लाखले घटेको थियो । यो जापानको लागि चिन्ताको विषय हो किनभने देशको ठूलो संख्यामा जनसंख्या वृद्धावस्था तर्फ बढिरहेको छ। एलन मस्कले ठट्टा गर्दै भने, 'तपाईंलाई लाग्छ मान्छे कहाँबाट आउँछन् ? के तिनीहरू केही जादुई बच्चाहरूको कारखानाबाट आउँछन् ? वा केटाकेटीहरू पसलबाट किनेर ल्याइन्छ ?'

जापानको जनसंख्या घट्यो

मेल अनलाइनको रिपोर्टका अनुसार एलन मस्कले भने, ‘जन्मदर एकपटक घट्न थाल्यो भने छिटै घट्छ । अहिलेको प्रवृत्ति राम्रो छैन। मानव जनसंख्या राम्रोसँग बढिरहेको छैन। उनले थप भने, ‘जापान घट्दो जनसंख्याको सूचक हो । गत वर्ष जापानले ६ लाख मानिस गुमाएको थियो । जापानको आन्तरिक मामिला तथा सञ्चार मन्त्रालयका अनुसार देशको जनसंख्या लगातार ११औं वर्षमा घटेको छ र ६ लाख ४४ हजारले घटेको छ ।

जापानमा ६ लाखभन्दा बढीको मृत्यु भएको छ

जापानमा मृत्यु हुनेको संख्या ६ लाख ९ हजार र प्रवासी ३५ हजार नाघेको कारण जनसंख्या घट्यो । आधिकारिक तथ्याङ्कले जापानमा बुढेसकालको जनसंख्या तीव्र गतिमा बढेको पनि देखाउँछ । तथ्याङ्कअनुसार १५ देखि ६४ वर्ष उमेर समूहका मानिसको अनुपात ५९.४ प्रतिशतले रेकर्ड न्यून रहेको छ भने ६५ वर्षभन्दा माथिका व्यक्तिको अनुपात २८.९ प्रतिशत रहेको छ ।

धनी र धार्मिक मानिसहरूले कम सन्तान जन्माउँछन्

मस्कले भने, ‘यदि यस्तै चलन जारी रह्यो भने जापान पूर्ण रूपमा लोप हुनेछ । तर आशा गरौँ त्यस्तो हुने छैन । चीनमा पनि यस्तै समस्या हुनेछ किनभने त्यहाँको कानुनले परिवारलाई धेरै वर्षसम्म बढ्नबाट रोकेको थियो। मस्कले भने, 'धेरैलाई लाग्छ कि मानव जनसंख्या धेरै छ, तर यो बिल्कुल गलत छ। जनसंख्या घट्दै गएको छ । मानिसहरू धनी र धार्मिक कम हुँदै गएकाले उनीहरूले कम सन्तान जन्माइरहेका छन् ।
 

सम्बन्धित खबर

पढ्नै पर्ने

लोकप्रिय