- २०८१ बैशाख ७ शुक्रबार
काठमाडौँ । चिनियाँ विद्युतीय कार कम्पनी नियोले मा रहेको आफ्नो कम्पनीको मुख्यालयको तेस्रो तल्लाबाट कार खसेर दुई जनाको मृत्यु भएको जनाएको छ । दुर्घटनामा परी मृत्यु हुने एक जना कम्पनीका कर्मचारी र अर्का साझेदार कम्पनीका कर्मचारी रहेको कम्पनीले जनाएको छ ।
स्थानीय समय अनुसार बुधबार साँझ करिब ५: २० बजे उक्त घटना भएको कम्पनीले जनाएको छ । कार तेस्रो तलाबाट खसेपछि चालकसहित दुई जना सवार थिए ।
नियोले तत्काल सरकारी अधिकारीसहित घटनाको अनुसन्धान थालेको बताएको छ । कार खसेको भवनको तेस्रो तल्ला कम्पनीको शोरुम, टेस्टिङ सेन्टर र कार पार्किङका लागि प्रयोग भइरहेको विभिन्न विवरणमा उल्लेख छ ।
कम्पनीले एक विज्ञप्ति जारी गर्दै भनेको छ- ‘कम्पनीले सार्वजनिक सुरक्षा विभागसँगको सहकार्यमा यस विषयमा अनुसन्धान थालेको छ र दुर्घटनाको कारणबारे अनुसन्धान गरिरहेको छ। दुर्घटनास्थलको प्रारम्भिक विश्लेषणले उक्त घटना भएको पुष्टि गरेको छ । दुर्घटना भएको हो र यो कारको कारणले भएको होइन ।'
विज्ञप्तिमा भनिएको छ- 'हामी यस दुर्घटनाबाट गहिरो दुःखी छौं । साझेदार कम्पनीका कर्मचारी र कर्मचारीका परिवारमा हाम्रो समवेदना छ । दुबैको परिवारलाई सहयोग गर्न टोली गठन गरिएको छ ।'
नियोले चिनियाँ सामाजिक सञ्जाल वेइबोमा घटनाको बारेमा एक बयान जारी गरेको हो । स्टेटमेन्ट पोस्ट गरेको आधा घण्टा भित्रमा करिब एक हजारले कमेन्ट गरेपछि कम्पनीले यो पोस्ट हटायो ।
कम्पनीले ‘दुर्घटनामा गाडी जिम्मेवार छैन’ भनी कम्पनीको टिप्पणीप्रति सामाजिक सञ्जालमा मानिसहरूले असन्तुष्टि व्यक्त गरेका छन् ।
यसपछि कम्पनीले आफ्नो वक्तव्यमा केही परिमार्जन गरी सामाजिक सञ्जालमा पुनः पोस्ट गरेको छ । परिमार्जित कथनले दुर्घटनालाई दुर्घटना भनेको छ र थपिएको छ "दुर्घटना कारको कारणले भएको होइन ।"
नियो एक चिनियाँ स्वदेशी कम्पनी हो जुन यहाँको विद्युतीय कार बजारमा प्रभुत्व जमाउन चाहन्छ । ब्याट्री बारम्बार चार्ज गर्ने उपभोक्ताको समस्या समाधान गर्न यस कम्पनीले आदानप्रदानयोग्य ब्याचको प्रयोगमा जोड दिइरहेको छ ।
चिनियाँ बजारमा यो कम्पनीले एलन मस्कको इलेक्ट्रिक कार निर्माता टेस्लासँग प्रतिस्पर्धा गरिरहेको छ । टेस्लाको सांघाईमा पनि ठूलो कारखाना छ ।
