- २०८१ बैशाख १४ शुक्रबार
काठमाडौं । अखिल नेपाल फुटबल संघ (एन्फा) को आगामी ६ असारमा हुने चुनावका लागि वर्तमान वरिष्ठ उपाध्यक्ष पंकजविक्रम नेम्बाङ समूहले शक्ति प्रदर्शन गरेको छ ।
शुक्रबार ललितपुरको हिमालय होटलमा नेम्वाङ समूहले उम्मेदवारी घोषणा गरेको हो । एन्फाको निर्वाचन साधारण सभा ६ असारमा हुँदैछ ।
अध्यक्ष पदका लागि नेम्वाङले उम्मेदवारी घोषणा गरे । वरिष्ठ उपाध्यक्षमा वीरबहादुर खड्काले उम्मेदवारी दिएका छन् ।
यस्तै यसअघि वर्तमान अध्यक्ष कर्माछिरिङ शेर्पा निकट देखिएका मनाङ मर्स्याङ्दी क्लबका अध्यक्ष विजय घले पनि नेम्वाङको समूहमा खुलेका छन् ।
तटस्थ देखिएका एन्फाका पूर्वअध्यक्ष नरेन्द्र श्रेष्ठसमेत नेम्वाङ समूहमा खुलेर प्रस्तुत भए । शुक्रबार गरिएको उम्मेदवारी घोषणा कार्यक्रमको सभापतित्व श्रेष्ठले गरे ।
