- २०८१ बैशाख १४ शुक्रबार
काठमाडौं । प्रशंसा मोक्तानले प्रथम कतार एसियाली जुनियर यु–१४ टेनिस प्रतियोगिताको सर्किट–१ मा दुई रजत पदक जितेकी छिन् ।
कतारको दोहास्थित खलिफा इन्टरनेसनल टेनिस एन्ड स्क्वास कम्प्लेक्समा भएको फाइनलमा पराजित भएसँगै प्रतियोगितामा प्रशंसाले एकल र युगल तर्फ रजत जितेकी हुन् ।
प्रशंसा फाइनलमा रुसकी एलेक्जेन्ड्रासँग ६–३ र ६–१ ले पराजित भइन् । युगल तर्फ प्रशंसाको जाडी साफिया अल थानी थिइन् । सर्किट– २ सोमबारदेखि सुरु हुँदैछ ।
सर्किट–२ मा पनि प्रशंसा खेल्दैछिन् । प्रशंसा नेपालबाट सहभागी हुने एक्लो खेलाडी हुन् ।
