- २०८१ बैशाख ११ मंगलबार
काठमाडौँ । टेस्ला र स्पेसएक्सका सीईओ एलन मस्कले ट्वीटरको ४४ बिलियन डलरको सम्झौता हाल रोकिएको बताएका छन् ।
आफ्नो ट्विटसँगै उनले रोयटर्सको लेखको लिङ्क पनि सेयर गरेका छन् । ट्विटर सम्झौता रोकिनुको कारण नक्कली तथा स्पाम ट्वीटर एकाउन्टहरूको गणना भएको उनले उल्लेख गरेका छन् ।
ट्विटरले हालै आफ्नो फाइलिङमा स्प्याम खाताहरू पहिलो त्रैमासिकमा मुद्रीकृत दैनिक सक्रिय प्रयोगकर्ताहरूको ५ प्रतिशतभन्दा कम रहेको रिपोर्ट गरेको थियो ।
ट्वीटरले २०० मिलियन भन्दा बढी प्रयोगकर्ता दैनिक रुपमा सक्रिय रहेको दाबि गरेपनि यसमा अनेकौं प्रश्न उठाउदै आइएको छ । कैयौं सेलिब्रेटी र हाइप्रोफाइलका एकाउन्ट फेक र स्पाम एकाउन्टबाट फलो गराएर धेरै संख्या देखाउने गरेको आरोप लाग्दै आएको छ ।
मस्कले ट्विटरमा यस रिपोर्टसँग सम्बन्धित रोयटर्सको लेख पनि साझा गरेका छन् । सम्झौता होल्ड भएको जानकारी पछि ट्विटरको सेयर प्रि-मार्केटमा १९ प्रतिशतभन्दा बढीले घटेको छ भने टेस्लाको स्टक लगभग ५ प्रतिशतले बढेको छ ।
