काठमाडौँ । इङलिश प्रिमियर लिग अन्तर्गत टोटनह्यामले आर्सनललाई पराजित गरेको छ ।
शनिबार साँझ भएको खेलमा ह्यारी केनको एकमात्र गोलको मद्धतले टोटनह्यामले आर्सनलविरुद्धको डर्बी १-० गोल अन्तरले जितेको हो ।
केनले खेलको ४९औ मिनेटमा गोल गरेका थिए । यस गोलसँगै आर्सनलविरुद्धको डर्बीमा केनले ७ खेलमा सात गोल गरेका छन् ।
जितसँगै टोटनह्याम प्रिमियर लिगमा तेस्रो स्थानमा उक्लिएको छ । टोटनह्याम २७ खेलमा ५२ अंकसहित लिगको तेस्रो स्थानमा उक्लिएको हो । त्यस्तै आर्सनल भने २७ खेलमा ४५ अंकसहित लिगको छैठौ स्थानमा रहेको छ ।