पार्टी एकताको ढाँचा अन्तिम रुपमा

खरीबोट
ad

चितवन । नेकपा माओवादी केन्द्र का अध्यक्ष पुष्पकमल दाहाल ‘प्रचण्ड’ले विचार, राजनीतिक संगठन र सिद्धान्त मिलाउनुपर्ने भएकाले पार्टी एकता गर्न समय लागेको बताएका छन् । 

प्रेस सेन्टर चितवनले आयोजना गरेको पत्रकार सम्मेलनमा उनले पदका कुरामा नभएर विचार, राजनीतिक कार्यदिशा र संगठनात्मक संरचनालाई कसरी मिलाउने भन्नेबारेमा नेकपा एमालेसँग छलफल भइरहेको जानकारी दिए ।

उनले भने, ‘माओवादी केन्द्र र एमालेबीचको एकताभित्र थुप्रै मनोविज्ञान, इतिहास जोडिएका छन् । यी सबै कुरासँग सम्बन्धित विषय अन्ततः वैचारिक राजनीतिक विषय हुन्छन् ।’ दाहालले दुवै पार्टीका अध्यक्ष पार्टीको प्रमुख र प्रधानमन्त्री भइसकेकाले पदकै निम्ति झिनाझप्टी नहुने स्पष्ट गरे । 

पार्टीलाई सही ढंगले एकताबद्ध गर्न र देशलाई सुशासन र समृद्धितर्फ लैजान वामदेव गौतमको संयोजकत्वमा गठित समितिले सुशासनको प्राथमिकता र विकासको प्राथमिकताबारे छलफल गरिरहेको बताए ।

उनले भने, ‘हामी दुई जनाको बीचमा कुरा मिलेर मात्रै होइन, पार्टी संगठनका माथिदेखि तलसम्मका सबैले राम्रो भयो भन्ने महसुस हुने गरी पार्टी एकता गर्दैछौँ ।’ उनले पार्टी एकता र सरकार गठन सँगसँगै होस् भन्ने आफ्नो चाहना रहेको बताए ।

उनले भने, ‘मेरो कोशिश सरकार गठन गर्नुभन्दा अगाडि पार्टी एकताको कुरा टुंगियोस् भन्ने छ । नभए पनि पार्टी एकता र सरकार गठनको प्रक्रिया सँगसँगै होस् भन्ने छ । ओलीजीको पनि त्यतैपट्टि जोड छ ।’ 

उनले पार्टी एकताको ढाँचा अन्तिम रुपमा रहेको पनि जानकारी दिए । उनले आगामी फागुन ५ गतेभित्र निर्वाचन आयोगले राष्ट्रपतिसमक्ष सांसदको नामावली बुझाउने र फागुन ६ गतेदेखि नयाँ सरकार गठनको प्रक्रिया शुरु हुने बताए । 

सम्बन्धित समाचार

संविधान संशोधनको विषय टुंगोमा पुगिसकेको छ : अध्यक्ष प्रचण्ड

काठमाडौँ । नेकपा अध्यक्ष पुष्पकमल दाहाल ‘प्रचण्ड’ले संविधान संशोधनको विषय टुंगोमा पुगिसकेको बताउँदै मधेशवादी दल सरकारका सहभागी हुन प्राविधिक कुरा मिल्न मात्र बाँकी रहेको जानकारी दिएका छन् ।  नीति तथा कार्यक्रम

देशलाई समृद्धितर्फ लैजाने मुख्य आधार पर्यटन : अध्यक्ष प्रचण्ड

काठमाडौँ । नेकपा माओवादी केन्द्र का अध्यक्ष पुष्पकमल दाहाल ‘प्रचण्ड’ ले विकास र समृद्धिको नयाँ यात्रातिर देश अघि बढेको बताएका छन् ।  पर्यटन व्यवसायी राजन सिम्खडाद्वारा लिखित ‘हिँडे पुगिन्छ’ पुस्तकको आज

बिदा पुनरावलोकन गरिदिन आदिवासीको माग

काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’सँग आदिवासी जनजाति महासंघसँग आबद्ध प्रतिनिधिले सरकारले हटाएका पर्वका बिदा पुनरावलोकनको पहल गरिदिन माग गरेका छन् ।  अध्यक्ष दाहालको निवास खुमलटारमा आज बिहान

आर्थिक समृद्धिको आधार साना तथा घरेलु उद्योग – अध्यक्ष प्रचण्ड

काठमाडौँ । नेकपा माओवादी केन्द्र का अध्यक्ष पुष्पकमल दाहाल ‘प्रचण्ड’ले आर्थिक समृद्धिको आधार तयार पार्न घरेलु तथा साना उद्योगको विकासमा जोड दिँदै लगानीको विस्तार गर्नुपर्ने बताएका छन् ।  साना तथा घरेलु

Loading...

Loading...