अहिलेका चल्तीका नायक अनमोल केसी अभिनित फिल्म ‘कृ’मा नायिकाको भूमिकामा रहेकी आदिती बुढाथोकीले भारतीय गीतमा अभिनय गरेको म्यूजिक भिडियो सार्वजनिक भएको छ । केही वर्षदेखि भारतमा बसेर म्यूजिक भिडियोमा काम गर्दै आइरहेकी आदितीले जी म्युजिकले बनाएको म्युजिक भिडियोमा आदितीले अभिनय गरेकी छन् ।
'गल गोरिए' बोलको सार्वजनिक गीतमा र्याप र संगीत रफ्तारको रहेको छ भने शब्द जानीको छ । गीतमा पञ्जाबी गायक मनिन्दर बुट्टरको स्वर सुन्न सकिन्छ । अरविन्द्र खैराले म्यूजिक भिडियो निर्देशन गरेका हुन् । यो भिडियोलाई जि म्यूजिक कम्पनी र अंकित खन्ना प्रोजेक्टस् ले संयूक्त रुपमा निर्माण गरेको हो ।
भारतमा बसेर बलीउड फिल्ममा करिअर बनाउन कम्मर कसेर लागिपरेकी आदिती अभिनित नेपाली फिल्म ‘कृ’ आगामी कार्तिक ३ गतेबाट प्रदर्शनमा आउँदैछ ।