एपिएफलाई पछि पार्दै थ्रीस्टार रारा गोल्ड कपको सेमीफाइनलमा

खरीबोट
ad

पोखरा । पोखरामा जारी १६ औँ आहा रारा गोल्ड कप फुटबल प्रतियोगिताअन्तर्गत आजको खेलमा सशस्त्र प्रहरीको एपिएफ क्लबलाई हराउँदै रुस्लान थ्रीस्टार सेमीफाइनलमा प्रवेश गरेको छ । 

थ्रीस्टार एपिएफलाई ट्राइब्रेकरमा ५–३ गोल अन्तरले हराउँदै सेमिफाइनलमा प्रवेश गरेको हो । निर्धारित र थप समयमा दुवै पक्षबाट कुनै पनि गोल नभएपछि खेल टाइब्रेकरमा पुगेको थियो । थ्रीस्टारका लागि रञ्जित धिमाल, विक्रम लामा, निराजन खड्का, सुनिल बल र विजय धिमालले गोल गरे । एपिएफका लागि नवीन लामा, अञ्जन विष्ट र रञ्जन विष्टले गोल गरे । 

एपिएफका राजेन्द्र रावलले हानेको बललाई थ्रीस्टारका किपर एलेन न्यौपानेले गोल हुनबाट रोकेका थिए । न्यौपाने नै आजको खेलमा उत्कृष्ट खेलाडी घोषित बने । 

थ्रीस्टार क्लबका प्रशिक्षक मेघराज केसीले हालै इटहरीमा खेलेर आएका कारण खेलाडी थकित अवस्थामा रहे पनि टाइबे्रकरलाई पूर्णरुपमा सदुपयोग गर्न सकिएको बताए । 

एपिएफ क्लबका प्रशिक्षक रत्नकाजी महर्जनले पहिलो हाफमा नै खेलाडीबीच तालमेल मिल्न नसकेको बताउँदै दोस्रो हाफमा पनि गोलका अवसर उपयोग हुन नसकेको स्पष्ट पारे । मंगलबारको खेल नेपाल पुलिस क्लब र मनाङ मस्याङ्दी क्लबबीच हुने आयोजकले जनाएको छ । 

सम्बन्धित समाचार

विश्वकप फुटबलको अफिसियल गीत ‘लिभ इट अप’ सार्वजनिक

काठमाडौं ।  फिफाले विश्वकपको आधिकारिक गीत सार्वजनिक गरेको छ । निकी जामले गाएको गीतमा हलिउड अभिनेता तथा गायक विल स्मिथ र इरा स्टेरेफीले साथ दिएका छन् । ‘लिभ इट अप’ नाम

आगामी १७ गतेदेखि जीतपुरसिमरामा मेयर कप फुटबल हुने

बारा । जीतपुरसिमरा उपमहानगरपालिकामा दक्ष खेलाडी उत्पादन गर्ने लक्ष्यसहित मेयर कप फुटबल प्रतियोगिता आयोजना हुने भएको छ ।  उपमहानगरपालिकाको सहयोग र सामुदायिक विकासशील क्लब सिमराको आयोजनामा प्रतियोगिता हुने भएको हो ।

फुटबलर मेसी समकक्षी साथी इनिएष्टाको विदाइ सम्मानमा दर्शकलाई अभिवादन गर्दै  

बार्सिलोना क्लबका अर्जेन्टिनी फरवार्ड लिओनल मेसी क्लबका समकक्षी मिडफिल्डर आन्ड्रेज इनिएष्टाको विदाइमा दर्शकलाई अभिवादन गर्दै । आइतबार बार्सिलोनाको क्याम्प नाउ स्टेडियममा लिगको अन्तिम खेल रियल सोसिडाडसँग खेलेपछि इनिएष्टाप्रति क्लबले सम्मान गरेको

रसिया विश्वकपका लागि ब्राजिलको २३ सदस्यीय टिमको घोषणा, को को परे ?

काठमाडौँ । रसिया विश्वकप आउन अब एक महिना बाँकी हुदा ब्राजिलले विश्वकपका २३ सदस्यीय खेलाडीको घोषणा गरेको छ ।  गएराती घोषणा गरिएको टिममा हाल इन्जुरीबाट मैदान बाहिर रहेका नेइमारलाई टिममा समावेश

Loading...

Loading...