प्रविधि । गुगलले आफैँ फोटो खिच्ने क्यामरा ल्याएको छ । क्लिप्स नाम दिइएको यो क्यामराले कहिले कतिखेर फोटो खिच्ने आफैँ थाहा पाउँछ ।
यो क्यामरालाई अब गुगल स्टोरबाट खरिद गर्न सकिने जनाइएको छ । यद्यपि यसलाई बिक्री गर्न सुरु गरिएको छ तर पैसा तिर्नासाथ भने यो पाइहाल्न मुस्किल छ ।
रिपोर्ट्सहरुका अनुसार लगभग २३ हजार नेपाली रुपैयाँ पर्ने यो क्यामरा २७ फेब्रुअरीसम्म गुगलले दिनेछ । यो क्यामराले अवस्थाअनुसार काम गर्ने बताइएको छ । यसले १३० डिग्री कोणबाट शानदार फ्रेममा तस्बिर लिनसक्छ ।
एजेन्सीहरुका अनुसार क्यामराले स्वचालित रुपमा तस्बिर लिनको लागि मोमेन्ट आईक्यू नामको अफलाइन मेसिन लर्निंग मोडल र भिजुअल प्रोसेसिंग युनिट प्रयोग गर्छ । यसले मानिसहरुको इमोसन, प्रकाश र फ्रेमिंगलाई मिलाएर फोटो खिच्ने क्षमता राख्छ ।