प्रदेश नं १ राष्ट्रिय सभा निर्वाचनको मतदाता नामावलीमा दाबी विरोध नभएको

खरीबोट

फाइल फोटो ।

विराटनगर । यही माघ २४ गते हुने राष्ट्रिय सभा निर्वाचनका लागि १ नं प्रदेश मतदाता नामावली प्रकाशनमा कसैको दाबी विरोध परेको छैन् । 

दाबी विरोधका लागि यही माघ ८ गतेसम्म समय रहेको कुनै दाबी विरोध नपरेको १ नं प्रदेश मुख्य निर्वाचन अधिकृतको कार्यालयका सहायक निर्वाचन अधिकृत नवराज दुलालले बताए । आज साँझ ५ बजे अन्तिम मतदाता नामावली प्रकाशन हुने उनले जानकारी दिए । 

यसैगरी माघ १० गते बिहान १० देखि ४ बजेसम्म राष्ट्रिय सभा उम्मेदवार मनोनयन दर्ता गरिनेछ भने साँझ ४ देखि ५ बजेसम्म उम्मेदवार दर्ता सूची प्रकाशन गरिनेछ । 

यस्तै माघ ११ र १२ गते बिहान १० देखि ५ बजेसम्म उम्मेदवारी विरोधमा दाबी विरोधमा उजुरी दर्ता गर्न सकिनेछ । यही माघ १३ गते १० देखि ५ बजेसम्म उम्मेदवारविरुद्ध दाबी विरोध उपर निर्णय लिने र माघ १४ गते १० देखि १ बजेसम्म उम्मेदवारको अन्तिम नामावली प्रकाशन गरिने सहायक निर्वाचन अधिकृत दुलालले जानकारी दिए । 

यसैगरी माघ १५ गते दिउँसो १ देखि २ बजेसम्म उम्मेदवार नामावली फिर्ता दिने, ३ देखि ४ बजेसम्म राष्ट्रिय सभा सदस्य उम्मेदवारको अन्तिम नामावली प्रकाशन गरिने र साँझ ४ देखि ५ बजेसम्म उम्मेदवारलाई निर्वाचन चिह्न प्रदान गरिने अधिकृत दुलालले बताए । माघ २४ गते बिहान १० देखि ३ बजेसम्म राष्ट्रिय सभा सदस्यको निर्वाचन हुनेछ । 

प्रदेश नं १ मा २७४ जना स्थानीय निकायका प्रमख र उपप्रमुख र प्रदेश सभा सदस्य ९३ गरी जम्मा ३६७ सदस्यले राष्ट्रिय सभा सदस्य निर्वाचनका लागि मतदान गर्नेछन् । १ नं प्रदेशमा तीन महिला, तीन अन्य, एक दलित, एक अपांग वा अल्पसङ्ख्यक सदस्य गरी जम्मा आठजना राष्ट्रिय सभा सदस्य पदमा निर्वाचित हुनेछन् । 

यही माघ २४ गते हुने राष्ट्रिय सभा निर्वाचनका लागि दुईवटा मतदान केन्द्र राखिएको छ भने प्रत्येक केन्द्रमा ११ जना कर्मचारी खटाइएको छ । 
 

सम्बन्धित समाचार

अमेरिकी निर्वाचनमा १३ रुसी नागरिकमाथि हस्तक्षेपको आरोप

वासिङ्टन ।  गतवर्ष भएको राष्ट्रपतीय निर्वाचनमा भएको भनिएको हस्तक्षेपमा रुसी नागरिकको हात रहेको आरोप अमेरिकाले लगाएको छ ।  संयुक्त राज्य अमेरिकामा यस विषयमा विशेष अनुसन्धान भइरहेको बताइएको थियो । अनुसन्धानकर्ताहरुले रुसी नागरिकको हस्तक्षेप

खर्चको विवरण बुझाउनुस् : निर्वाचन आयोग

काठमाडौँ /निर्वाचन आयोगले राष्ट्रियसभा सदस्य निर्वाचनमा भएको खर्चको विवरण यथाशक्य छिटो बुझाउन सम्पूर्ण उम्मेदवारलाई सूचित गरेको छ ।  राष्ट्रियसभा सदस्य निर्वाचन अध्यादेशअनुसार निर्वाचनमा उम्मेदवारले खर्च गर्न पाउने रकमको हद आयोगले तोक्ने

निर्वाचन आयोगले निर्वाचनको अन्तिम परिणाम आजै राष्ट्रपतिलाई बुझाउने

काठमाडौं । निर्वाचन आयोगले निर्वाचनको अन्तिम परिणाम आजै राष्ट्रपतिलाई बुझाउने भएको छ ।  कांग्रेस, माओवादी र राजपाले सूची सच्याएर आयोगमा बुझाईसकेकाले समानुपातिकको अन्तिम नतिजा आजै सार्वजनिक गरेर पूर्ण नतिजा राष्ट्रपतिलाई बुझाउने

कांग्रेस, माओवादी केन्द्र र राजपालाई समानुपातिक सांसद्को नाम सच्याउन भोलिसम्मको म्याद 

काठमाडौँ । निर्वाचन आयोगले तीन राजनीतिक दललाई प्रतिनिधिसभा सदस्य निर्वाचनको समानुपातिक निर्वाचन प्रणालीतर्फ अन्तिम बन्दसूचीको समावेशी समूहको प्राथमिकता क्रमलगायत आधारमा उम्मेदवार छनोट गरी नाम सिफारिश गर्न पुनःदुई दिनको समय दिएर