- २०८१ बैशाख ८ शनिबार
काठमाडौँ । अस्थायी शिक्षक संघर्ष समितिले आगामी भदौ ३ गते हुने शिक्षा सेवा आयोगको परीक्षा स्थगन भए पनि अनशन जारी राखेको छ ।
समितिका उपाध्यक्ष ज्योतिनारायण ढकालले एक साताका लागि मात्र परीक्षा सारिएको र शिक्षा ऐन संशोधनको सुनिश्चित नभएकाले तत्काल अनशन नतोड्ने बताउनुभयो । गत असार ९ गतेको सहमतिअनुसार शिक्षा ऐन संशोधन गरी परीक्षाको नयाँ मिति तोक्न माग गरी समिति आन्दोलित छ ।
समितिका तर्फबाट यही साउन १८ गतेदेखि भद्रकालीमा अनशनरत दुई शिक्षकको स्वास्थ्य अवस्था नाजुक भएपछि अस्पताल भर्ना गरिएको छ । सहमतिमा परीक्षामा सबै अस्थायीले भाग लिन पाउने र असफल भएमा उचित क्षतिपूर्ति दिइने उल्लेख छ ।
