नयाँ दिल्ली । दिल्ली राज्यका आम आदमी पार्टीका २० विधायकलाई राष्ट्रपतिले अयोग्य घोषित गरेका छन् ।
आप आदमी पार्टीका २० विधायकमाथि लाभको पद लिएको आरोपमा आफ्नो निर्णय दिदै २० विधायकको प्रदेश सांसद पद खारेजका लागि निर्वाचन आयोगले राष्ट्रपति समक्ष सिफारिश गरेको थियो ।
राष्ट्रपतिको आदेशसँगै दिल्ली प्रदेशमा आम आदमी पार्टीका २० प्रदेश सांसदको पद गएको भारतीय समाचार एजेन्सीहरुले उल्लेख गरेका छन् ।
२०१५ को दिल्लीको विधान सभा निर्वाचन पछि नै २१ प्रदेश सांसद विरुद्ध संसदको सचिव पद लिएको र यो ‘लाभको पद’ भएको भन्दै मुद्धा दायर गरिएको थियो । एक सांसदले भने राजिनामा दिइसकेका छन् ।
गत अगस्तमा संसद्को सचिव पद २०१६ मा नै खारेज भएकोले सो अपिलमा निर्वाचन आयोगको सुनुवाई रोक्न आरोपित विधायकहरुले दिल्ली उच्च अदालतमा अपिल गरेका थिए । तर उच्च अदालतले यस विषयमा निर्वाचन आयोगले अझै सुनुवाई सुरु नगरेकाले यस विषयमा सो अपिल स्वीकार नगर्ने बताएको थियो ।
दिल्ली विधान सभामा रहेको ७० सिटमा ६६ सिटमा आम आदमी पार्टीले जितेको थियो भने विजेपीले केबल ४ सिट मात्र जितेको थियो । २० संसद्को पद राष्ट्रपतिबाट खारेज भएपनि आम आदमी पार्टीका अझै ४६ सांसद रहने छन् जसबाट सरकार गिर्ने खतरा भने रहेको छैन ।