- २०८१ बैशाख ८ शनिबार
हलिउड / चर्चित बेलायती गायक एड शिरनले बाल्यकालकी संगिनी चेरी सिबर्नसँग इन्गेजमेन्ट गरेका छन् । उनले इन्स्टाग्राममा तस्बिर सार्वजनिक गर्दै उक्त जानकारी दिएका हुन् । शिरनको इन्स्टाग्राममा १८ मिलियन अनुयायी (फलोअर)हरु छन् ।
शिरनले सिबर्नसँग सन् २०१५ देखि डेटिंग जानथालेका थिए । एकपटक दुर्घटनामा पर्दा शिरनको हेरविचार पनि उनैले गरेकी थिइन् । शिरनले त्यतिबेला सिबर्नले आफ्नो दाँतसमेत माझिदिएको भन्दै उनी असल महिला भएको क्यापिटल ब्रेकफाष्ट शोलाई बताएका थिए ।
उनीहरु बाल्यकालका साथी हुन् । शुफोकमा सँगै स्कुल जाने उनीहरु अब बिहे गर्ने सुरसारमा लागेका हुन् । शिरनले गत वर्षको फेब्रुअरीमा दुईको सम्बन्धबारे रेडियो २ मा सार्वजनिक गरेका थिए । सिबर्नसँग रहँदा आफू सुरक्षित रहेको समेत उनले बताएका थिए ।
शिरनको गीत युट्युबमा अर्बभन्दा बढीले हेरेका छन् ।
