रुसले उत्तर कोरियालाई सघाइरहेको ट्रम्पको आरोप 

खरीबोट

उत्तर अमेरिका । अमेरिकाका राष्ट्रपति डोनाल्ड ट्रम्पले संयुक्त राष्ट्रसंघको कडा नाकाबन्दीका बाबजुद रुसले उत्तर कोरियालाई सघाएको आरोप लगाएका छन् । रुसको विरलै आलोचना गर्ने ट्रमपले रोयटर्ससँगको अन्तर्वार्ताका क्रममा उक्त आरोप लगाएको सीएनएनले उल्लेख गरेको छ । 

‘रुसले हामीलाई उत्तर कोरियाको मामिलामा मद्दत गरिरहेको छैन’, ट्रम्पले भनेका छन्, ‘चीनले जुन सहयोग गरिरहेको छ, रसियाले त्यसविपरीत गरिहेको छ ।’ राष्ट्रसंघले पछिल्लो समय उत्तर कोरियाविरुद्ध कडा नाकाबन्दी केही महिनापहिले मात्रै लगाएको थियो ।

इन्धन, कोइला, सिफुड, कोरियाली कामदार लगायतमाथि राष्ट्रसंघले कडा प्रतिबन्ध लगाए पनि रुसेली पानीजहाजले समुद्रको बीचमै उत्तर कोरियाली पानीजहाजमा इन्धन भरेको अमेरिकीहरुले आरोप लगाउँदै आइरहेका बेला ट्रम्पले त्यसको निन्दा गरेका हुन् । 

त्यस्तै पछिल्लो समय दुई कोरियाबीच भइरहेको वार्ताको पनि ट्रम्पले समर्थन गर्दै आएका छन् । दक्षिण कोरियाले आफ्नो देशमा हुनलागेको ओलम्पिकमा दुई कोरियाका खेलाडीले एकताको झण्डामुनि मार्च पास गर्ने उत्तर कोरियासँग सहमति गरिसकेको छ । 

अमेरिकाले रुस र चीनले संयुक्त राष्ट्रसंघको कडा प्रतिबन्धका बाबजुद उत्तर कोरियालाई सघाइरहेको आरोप लगाउँदै आएका छन् । 

सम्बन्धित समाचार

नेपालका लागि रुसी राजदूतको निधन

काठमाडौँ।  नेपालका लागि रुसी महासङ्घका राजदूत आन्द्रेइ बुधनिकको निधन भएको छ ।  गत शुक्रबार मस्कोमा उनको निधन भएको जानकारी यहाँस्थित रुसी महासङ्घको दूतावासले दिएको परराष्ट्र मन्त्रालयले जनाएको छ । राजदूत बुधनिक

अमेरिकी प्रतिबन्धका कारण रुसी मुद्राको भारी अवमूल्यन

मास्को। अमेरिकाले रुसविरुद्ध घोषणा गरेको पछिल्ला आर्थिक प्रतिबन्धहरुका कारण अमेरिकी डलरको तुलनामा रुसी मुद्रा रुबल दुई वर्षयता सबैभन्दा बढी अवमूल्यन भएको छ । बेलायतमा बस्दै आएका एकजना पूर्व रुसी जासुसमाथि

आणविक निरस्त्रीकरणमा प्रतिबद्धता पूरा गर्न उत्तर कोरियासँग आग्रह

सिओल। दक्षिण पूर्वी एसियाली राष्ट्रहरुको संगठन (आसियान) र अन्य १७ राष्ट्रका विदेश मन्त्रीहरुले उत्तर कोरियालाई आणविक निरस्त्रीकरणप्रतिको प्रतिबद्धता पूरा गर्न आग्रह गरेका छन् ।  सिंगापुरमा सम्पन्न आसियान क्षेत्रीय मञ्च (एआरएफ) का

अमेरिका—रुस सम्बन्ध सुधार्ने जिम्मा हलिउड अभिनेतालाई !

युरोप÷अमेरिका । हलिउड अभिनेता, निर्देशक, कथालेखक तथा संगीतकर्मी स्टिभन सिगललाई रुसी विदेश मन्त्रालयले मानवअधिकारलगायतका विषयमा अमेरिकासँगको सम्बन्ध सुधार्ने जिम्मेवारी दिएको छ । सिगललाई मन्त्रालयले विशेष प्रतिनिधिमा नियुक्त गरेको एजेन्सीहरुले जनाएका