- २०८१ बैशाख ८ शनिबार
काठमाडौँ । दक्षिण अफ्रीका भ्रमणमा रहेको भारत क्रिकेट टिमले टेष्ट श्रृंखला गुमाएको छ ।
आज सकिएको दोस्रो टेष्टमा १३५ रनले विजयी हुँदै दक्षिण अफ्रिकाले ३ टेष्टको श्रृंखला २–० ले आफ्नो पक्षमा पारेको हो । दोस्रो टेष्टमा २८७ रनको लक्ष्य पछ्याएको भारत १५१ रनमा अलआउट हुदै सिरिज नै गुमायो । दोश्रो पारीमा भारतका रोहित शर्माले सर्वाधिक ४७ रन बनाएको छन् ।
यस्तै मोहम्मद सामीले २८ तथा पार्थिव पटेल र चेतेश्वर पुजाराले समान १९ रन बनाएका थिए ।
भारतलाई १५१ रनमा अलआउट गर्न दक्षिण अफ्रिकाका लुंगी एनगिडीले ६ विकेट लिए । दक्षिण अफ्रिकाले पहिलो पारीमा ३३५ र दोस्रो पारीमा २५८ बनाएको थियो । भारतले भने पहिलो पारीमा ३०७ रन बनाएको थियो ।
पहिलो टेष्टमा दक्षिण अफ्रिकाले भारतलाई ७२ रनले हराएको थियो । यी दुइ देशबिचको तेस्रो तथा अन्तिम टेष्ट २४ जनवरीमा हुनेछ ।
खेलको म्यान अफ द म्याच दक्षिण अफ्रिकाका बलर लुंगी एनगिडी बनेका छन् । एनगिडी आफ्नो डेभ्यु खेलमा दुई इनिंगमा ७ विकेट लिदै म्यान अफ द म्याच बनेका छन् ।
