रुपन्देही–११ लाई पराजित गर्दै मनाङ मस्र्याङ्दी सेमिफाइनलमा

खरीबोट

धनगढी । रुपन्देही–११ लाई पराजित गर्दै मनाङ मस्र्याङ्दी यहाँ जारी ‘नेपाल आइस सुदूरपश्चिम खप्तड गोल्ड कप फुटबल प्रतियोगिता‘को सेमिफाइनलमा प्रवेश गरेको छ । 

स्थानीय रंङ्गशालामा आज भएको अन्तिम क्वाटर फाइनल खेलमा रुपन्देही–११ लाई शून्यका विरुद्ध ४ गोलले पराजित गर्दै मनाङ सेमिफाइनलमा प्रवेश गरेको हो । बीसौँ मिनेटमा मनाङका विदेशी भिक्टोर अमोवीले गोल गर्दै अग्रता दिलाए । पहिलो हाफमा १ गोलले अगाडि रहेको मनाङले दोस्रो गोल आत्मघाती उपहार पाएको थियो । 

छिरिङ गुरुङले बचाउ गर्न खोज्दा दोस्रो हाफको ५५ औँ मिनेटमा आफ्नै पोष्टमा गोल हुन पुगेपछि मनाङको अग्रता दोब्बर भएको थियो । खेलको अधिकांश समय बल आफ्नो नियन्त्रणमा राखेको मनाङका लागि ८३ औँ मिनेटमा विशाल राई र ८४ औँ मिनेटमा विमल रानाले गोल थपेका थिए । विदेशी भिक्टोर खेलमा ‘म्यान अफ दि म्याच’ घोषित भई पुरस्कृत भए । 

आजको खेल सकिएसँगै सुदूरपश्चिम खप्तड गोल्डकप फुटबल प्रतियोगिताको क्वाटर फाइनलको समीकरण पूरा भई सेमिफाइनलमा पुग्ने चार टोालीको टुङ्गो लागेको छ । 

प्रतियोगिताअन्तर्गत शनिबार मनाङ मस्र्याङदी र त्रिभुवन आर्मीबीच पहिलो सेमिफाइनल र आइतबारसुदूरपश्चिम–११ र विभागीय टिम एपिएफबीच दोस्रो सेमिफाइनल हुनेछ । 

जितपछि प्रतिक्रिया दिदै मनाङ मस्र्याङ्दीका प्रशिक्षक हेमन्त आलेले खेलाडीको समन्वय र रणनीतिका कारण जीत हासिल भएको बताउनुभयो । रुपन्देही–११ का कप्तान दिलीप क्षेत्रीले आफ्नै गल्तीले शुरुमै गोल खाँदा दवावमा परेर हार बेहोर्नुपरेको बताए । 

सम्बन्धित समाचार

विश्वकप फुटबल विजेता फ्रान्सका खेलाडीहरुलाई पेरिसमा भव्य स्वागत (फोटो फिचर)

काठमाडौँ  । विश्वकप फुटबल जितेको फ्रान्सका खेलाडीहरुलाई पेरिसमा भव्य स्वागत गरिएको छ  ।  पेरिसमा विजेता खेलाडीलाई स्वागत गर्न ५ लाख मानिसहरु भेला भएका थिए । विश्वकप ट्रफिसहित पेरिस पुगेका खेलाडीहरुलाई पेरिसको

विश्व फुटबलमा मेसी र रोनाल्डोको राज तोड्दै लुका मोड्रीच !

काठमाडौँ । विश्वकप फाइनलको समीकरण पुरा भएसँगै अभ विश्व फुटबलमा रोनाल्डो र मेसीको युग समाप्त भएको चर्चा चल्न थालेको छ ।  फ्रान्सका युवा खेलाडी किलीयन एम्बाप्पेलाई अब फुटबलको नयाँ सुपरस्टारको रुपमा

फिफाद्वारा इङल्याण्डको फुटबल टिमलाई ७७ लाख ५७ हजार जरिवाना 

काठमाडौँ । फिफाले इङल्याण्डको फुटबल टिमलाई ७० हजारस्विस फ्र्यांक ७७ लाख ५७ हजार नेपाली रुपैया जरिवाना लगाएको छ ।  विश्वकपका खेलमा इङल्याण्डका खेलाडीहरु डेल अली, इरिक डायर र रहिम स्टरलिङले फिफाले

क्रोसिया विश्वकप फुटबलको सेमिफाइनलमा, पेनाल्टी सुटआउटमा आयोजक रसिया पराजित

काठमाडौं । क्रोसिया विश्वकप फुटबलको सेमिफाइनलमा प्रवेश गरेको छ । विश्वकपको क्वाटरफाइनलमा पेनाल्टी सुटआउट आयोजक रसियालाई ४-३ गोल अन्तरले पराजित गर्दै क्रोसिया विश्वकपको सेमिफाइनलमा पुगेको हो । रसियाका २ र क्रोसियाका एक खेलाडीले