राष्ट्रियसभा निर्वाचनका लागि २१ दल दर्ता 

खरीबोट

काठमाडौँ । राष्ट्रियसभा निर्वाचनका लागि २१ दलले निवेदन दिएका छन् ।

आयोगले १५ दिनको समय दिएर राष्ट्रियसभा निर्वाचनका लागि दल दर्ताको आह्वान गरेको आज अन्तिम दिनसम्म कुल २१ दलले निवेदन दर्ता गरेको आयोगले जानकारी दिएको छ । 

आयोगका अनुसार निवेदन दिने दलहरूमा नेपाल संघीय समाजवादी पार्टी, नेपाल मजदूर किसान पार्टी, संघीय लोकतान्त्रिक राष्ट्रिय मञ्च, बहुजन शक्ति पार्टी, नेपाल परिवार दल, नेपाली कांग्रेस, राष्ट्रिय जनमोर्चा, नेपाल नौलो जनवादी, राष्ट्रिय प्रजातन्त्र पार्टी (प्रजातान्त्रिक), विवेकशील साझा पार्टी, नेपाल कम्युनिष्ट पार्टी (एमाले), संघीय समाजवादी फोरम नेपाल, नयाँ शक्ति पार्टी नेपाल, नेपाल दलित पार्टी, राष्ट्रिय जनता पार्टी नेपाल, राष्ट्रिय प्रजातन्त्र पार्टी, बहुजन समाज पार्टी नेपाल, गान्धीवादी पार्टी नेपाल, नेपाल कम्युनिष्ट पार्टी (माओवादी केन्द्र), नेपाली जनता दल र राष्ट्रिय मुक्ति आन्दोलन नेपाल छन्।

प्रतिनिधिसभा र प्रदेशसभा निर्वाचन सम्पन्न भइसकेको अवस्थामा राष्ट्रियसभा निर्वाचनपछि संघीय संसद्ले पूर्णता पाउने आयोगले जनाएको छ । आयोगले राष्ट्रिय सभा सदस्यको निर्वाचन २०७४ माघ २४ गते बुधबार हुने गरी निर्वाचन कार्यक्रमसमेत प्रकाशित गरिसकेको छ ।

निर्वाचन कार्यतालिका अनुसार भोलि पुस २९ गते सातवटै प्रदेशमा निर्वाचन अधिकृतको कार्यालय स्थापना गरिने कार्यक्रम रहेको छ ।
 

सम्बन्धित समाचार

माओवादीका राष्ट्रियसभाका उम्मेदवार प्रचण्ड, श्रेष्ठ र बादलले छान्ने 

काठमाडौं ।  माओवादी केन्द्रले राष्ट्रियसभाको उम्मेदवार छान्ने जिम्मा तीन शीर्ष नेतालाई दिएको छ । पार्टी कार्यालय पेरिसडाँडामा प्रदेश इन्चार्जसहित बसेको सचिवालयको बैठकले उम्मेदवार छान्ने जिम्मा तीन नेतालाई सुम्पेको हो ।  मंगलबार अध्यक्ष

आरजुलाई राष्ट्रियसभा निर्वाचनमा उम्मेदवार बनाउन माग

कैलाली । नेपाली कांग्रेसबाट प्रदेशसभामा चुनिएका महिला सांसदहरुले नेपाली कांग्रेसकी नेतृ डा. आरजु राणा देउवालाई राष्ट्रियसभा निर्वाचनमा उम्मेदवार बनाउनु पर्ने माग राखेका छन् । प्रदेश नं ७ का महिला सांसदहरुले सोमबार

राष्ट्रियसभा सदस्य निर्वाचनको तयारी अन्तिम चरणमा

काठमाडौँ । निर्वाचन आयुक्त ईश्वरीप्रसाद पौड्यालले २४ माघमा हुने राष्ट्रियसभा सदस्य निर्वाचनको केन्द्रीयस्तरको तयारी अन्तिम चरणमा पुगेको बताएका छन् ।  सातवटै प्रदेशमा खटिने प्राविधिक कर्मचारीका लागि आज आयोगमा आयोजित ‘एकीकृत निर्वाचन

राष्ट्रियसभा सदस्य निर्वाचन : प्रदेश नं २ मा सबैभन्दा बढी मतदाता, प्रदेश नं ६ मा कम

काठमाडौँ / आसन्न राष्ट्रियसभा सदस्य निर्वाचनका लागि सबैभन्दा बढी मतदाता (निर्वाचक मण्डल) प्रदेश नं २ मा र सबैभन्दा कम प्रदेश नं ६ मा रहेका छन् ।  निर्वाचन आयोगले राष्ट्रियसभा निर्वाचनको कार्यतालिका