भारतमा पनि प्रधानन्यायाधीशमाथि सवाल उठाइयो 

खरीबोट

तस्बिर : बीबीसी हिन्दी

दक्षिण एसिया । भारतको सर्वोच्च अदालतका चार वरिष्ठ न्यायाधीशहरुले इतिहासमै पहिलोपटक पत्रकार सम्मेलन गरी सर्वोच्च अदालतमा चलिरहेको अनियमिततालाई लिएर सार्वजनिक रुपमै गुनासो गरेका छन् । न्यायाधीशहरु जे चेलमेश्वर, रञ्जन गोगोई, मदन लोकुर र कुरियन जोसेफले गुनासो गरेका हुन् ।  

भारत स्वतन्त्र भएपछि पहिलोपटक सर्वोच्च अदालतका चार न्यायाधीशले शुक्रबार पत्रकार सम्मेलन गरेपछि भारतमा यसले हलचल मच्चाएको छ । विशेषगरी चार जना न्यायाधीशले अदालतभित्र प्रशासनिक अनियमितता भएको आरोप लगाएका हुन् ।

सर्वोच्चका दुई नम्बर न्यायाधीश मानिने चेलामेश्वरले भनेका छन्, ‘करिब दुई महिनापहिले हामी चार न्यायाधीश मिलेर प्रधानन्यायाधीशलाई पत्र लेखेका थियौँ र भेटेका थियौँ । हामीले उहाँसँग अदालतमा जे भइरहेको छ, त्यो सही नभएको पनि बतायौँ । प्रशासन ठीकसँग नचलेको बतायौँ । यो मामिला एउटा मुद्दालाई लिएर थियो ।'

उनले आफूहरुले यो कुरा प्रधानन्यायाधीशलाई सम्झाउन असफल रहेको समेत बताएका छन् । त्यसपछि आफूहरुले राष्ट्रकै अगाडि यो कुरा राख्नुपरेको दाबी गरेका छन् । यो मुद्दा सीबीआई जज लोयाको शंकास्पद मृत्युलाई लिएर भएको न्यायाधीशहरुको भनाइ छ । 

उनीहरुले प्रधानन्यायाधीशलाई बुझाएको पत्र पनि छिट्टै सार्वजनिक गर्ने बताएका छन् । २० वर्षपछि आफूहरुमाथि आत्मा बेचेको आरोप नलागोस् भनेर पत्रकार सम्मेलन गरेको उनीहरुको भनाइ छ । लोकतन्त्रलाई कायम राख्न पनि सर्वोच्च अदालत जस्तो संस्था सही ढंगले चल्नुपर्ने उनीहरुको भनाइ छ ।

उनीहरुले सीजेआईमाथि महाभियोग चल्ने र नचल्ने भन्नेबारे भने राष्ट्रले नै विचार गर्नुपर्ने उनीहरुको सुझाव छ । बितेका केही महिना जे नहुनुपर्ने त्यही भइरहेको भनी प्रधानन्यायाधीशको उनीहरुले चर्को आलोचना गरेका छन् । 

भारतमा न्यायाधीशले पत्रकार सम्मेलन गरेको यो नै पहिलोपटक रहेको बताइएको छ । भारतमा अहिलेका प्रधानन्यायाधीश दीपक मिश्रसँग दुई नम्बर वरीयताका वरिष्ठ न्यायाधीश चेलामेश्वरको धेरै मुद्दालाई लिएर विवाद रहेको भारतीय मिडियाहरुले बताएका छन् ।

सम्बन्धित समाचार

राष्ट्रिय टोलीको ब्याटिङ कोचमा भारतीय उमेश पटवाल नियुक्त

काठमाडौं । विश्वकप छनोटको तयारीमा रहेको नेपाली राष्ट्रिय टोलीको ब्याटिङ कोचमा भारतीय उमेश पटवाल नियुक्त भएका छन् । उनी मंगलबार नेपाल आइपुग्नेछन् । डिभिजन २ खेलेर नेपाली टोली शनिबार मात्र नेपाल आएको

मामाघर आएका भारतीय बालकको पोखरीमा डुबेर मृत्यु

राजविराज । सप्तरीको डाकनेश्वरी नगरपालिका– ३ मा मामाघर आएका एक भारतीय बालकको पोखरीमा डुबेर आज मृत्यु भएको छ ।  मृत्यु हुनेमा भारत विहार राज्यअन्तर्गत मधुवनी जिल्ला नेमुवा घर भएका सुरेन्द्र मुख्याका

भारतीय पंजाव नेशनल बैंकमा भयो ११ हजार करोडको घोटाला, सात बर्षपछि खुल्यो रहस्य  

काठमाडौँ । भारतको ठुलो बैंक मध्येको एक बैंक पंजाव नेशनल बैंक (पिएनबि) मा करिब ११ हजार करोड रुपैयाँ घोटाला भएको रिपोर्ट बाहिरिएको छ ।  मुम्बईको एक ब्रान्चबाट सो घोटाला भएको भारतीय

अफ्रिकाविरुद्धको सिरिज भारतद्वारा ५-१ ले कब्जा, अन्तिम खेलमा विराटले हाने शतक 

काठमाडौँ । भारतीय कप्तान विराट कोहलीको शतकीय पारीका साथ अन्तिम एकदिवसीय क्रिकेट खेलमा भारतले दक्षिण अफ्रिकाविरुद्ध ८ विकेटको सहज जित हात पारेका छ ।  भारतको जितमा कप्तान विराट कोहलीले १२९ रनको