पहिलो पटक श्रीलंकाको ‘नागरिक वीरता स्वर्ण पदक’ नेपाली नागरिकलाई 

खरीबोट

काठमाडौँ । नेपाली नागरिक लक्ष्मीसुन्दर गाइन्जू श्रीलंकामा ‘नागरिक वीरता स्वर्ण पदक’द्वारा सम्मानित भएका छन् । 

गाइन्जूलाई श्रीलंकाको राजधानी कोलम्बोमा बुधबार आयोजित विशेष समारोहमा त्यहाँका सभामुख करु जयसूर्याले सम्मान गरेका हुन् । सो सम्मान पाउने गाईन्जू पहिलो नेपाली नागरिक हुन् । 

नेपालमा विसं २०७२ वैशाख १२ गते गएको भूकम्पमा आफ्नो ज्यानको परवाह नगरी सर्वसाधारणको उद्धार गरे बापत गाइन्जूलाई सो पदकद्वारा सम्मानित गरिएको हो । गाईन्जूले उक्त दिन भक्तपुरको जेँला टोलमा भूकम्पले घर भत्किएर च्यापिएका आठ परिवारका २१ जनाको जीवितै उद्धार गरेका थिए । उनी भूकम्पपछि निरन्तर पीडितको सेवामा खटिँदै आएका छन् । 

‘गाइन्जूको काम साँच्चै नै प्रशंसनीय छ र त्यो अरुलाई पनि उत्प्रेरित गर्ने उदाहरण बनोस् भनेर पदक प्रदान गर्न पाउँदा आफूलाई ठूलो सन्तोष मिलेको छ,’ सभामूख जयसूर्याले भने । 

उक्त कार्यक्रममा मनोनयनकर्ताका तर्फबाट विशेष रुपमा आमन्त्रित डा दिनेशराज भुजुले नेपालमा आएको भूकम्प र त्यतिखेर स्वयंसेवी युवाले पूर्याएको थुप्रै उदाहरण भएको बताए । ‘गाइन्जू ती असल र हिम्मति युवाहरुको प्रतिनिधि पात्र हुन्,’ उनले भने । 

विश्वका विभिन्न देशमा बेला–बखतमा प्राकृतिक बिपद्हरु आइरहने र त्यस्तो अवस्थामा स्वयंसेवाको भावनाले उत्प्रेरित भएर ज्यान बचाउन लागिपर्ने असल नागरिकको सम्मान गर्ने परम्परा बसाउन बिगत पाँच वर्षदेखि सो पुरस्कार प्रदान गरिँदै आएको नागरिक वीरता संस्थाका संस्थापक अध्यक्ष कसुन चन्द्ररत्नेले बताए । यसअघि उक्त पदकबाट माल्दिभ्स र पाकिस्तानका नागरिकलाई सम्मान गरिएको थियो । 

‘भूकम्पको बेला पीडितको उद्धार गर्न जाँदा मैले यस्तो पदकबाट विभूषित हुनेछु भनेर कहिले आश गरेको थिइनँ, त्यस्तो विचारले काम गरेको पनि होइन । त्यतिबेला मनमा धेरै मानिसको ज्यान बचाउने सोच मात्र थियो,’ सम्मानित भएपछि गाइन्जूले भने । 


सो अवसरमा सगरमाथाको सफल आरोहण गर्ने पहिलो श्रीलंकाली महिला जयन्ति कुरु–उतुम्पलाई समेत सम्मान गरिएको थियो । कार्यक्रममा श्रीलंकाका सांसद, श्रीलंकाका लागि नेपालका राजदूत, पूर्व मन्त्रीहरु, कलाकार, प्राध्यापकलगायतको उपस्थिति रहेको थियो ।

सम्बन्धित समाचार

बर्दियामा वन संरक्षण गर्नेहरुलाई सम्मान

बर्दिया, (गुलरिया) । जिल्ला वन कार्यालय बर्दियाले जिल्लामा उत्कृष्ट वन संरक्षण र सम्बद्र्धन गर्नेलाई आज विहिवार विभिन्न विधाहरुमा व्यक्ति र संगठनलाई सम्मान र पुरस्कृत गरेको छ । असार ३ गते विहिवार

एसइईमा उतिर्ण विद्यार्थी तथा शिक्षकलाई अनेरास्ववियुको सम्मान 

काठमाडौँ । देशै भरीका सामुदायिक स्कुलका शिक्षक तथा बिद्यार्थीहरु एकै ठाउँमा जम्मा  भएका छन्  । अनेरास्वीयु र अखिल क्रान्तिकारीले संयुक्त रुपमा आयोजना गरेको एसइइ उत्तिर्ण बिद्यार्थीहरुलाई  सम्मान तथा बधाई कार्यक्रममा नेपाल

प्रधानसेनापतिद्वारा किर्तिमानी पर्वतारोही पेम्वा दोर्जे शेर्पालाई सम्मान

काठमाडौँ । प्रधानसेनापति राजेन्द्र क्षत्रीले पर्वतारोही पेम्वा दोर्जे शेर्पालाई जंगी अड्डामा आयोजित विशेष कार्यक्रममा सम्मान गरेका छन् । नेपालको प्रतिनिधित्व गर्दै नेपाल राष्ट्रका निर्माता श्री ५ पृथ्वी नारायण शाहको पूर्णकदको सालिकको

सुनीता दनुवारलाई अमेरिकाको सम्मान 

वाशिङ्टन । अमेरिकी विदेशमन्त्री माइकल आर. पोम्पेओ तथा अमेरिकी राष्ट्रपतिकी सल्लाहकार इभाङ्का ट्रम्पलेले नेपालकी सुनीता दनुवार लगायत विश्व्भरका १० व्यक्तिहरूलाई टिप हिरो अन्तर्राष्ट्रिय सम्मान प्रदान गरेका छन् ।  अमेरिकी विदेश मन्त्रालयले