माघ २ बाट महानगरका भित्री सडकमा चारपाङ्ग्रे सवारीसाधन निषेध 

खरीबोट
ad

काठमाडौँ । काठमाडौं महानगरपालिकाले वडा नम्बर १७, १८, १९, २२, २४, २५, र २७ वडामा माघ २ गतेबाट लागू हुने गरी चारपाङ्ग्रे सवारीसाधन प्रवेशमा रोक लगाउने भएको छ । बुधबार पत्रकार सम्मेलन गर्दै काठमाडौँ महानगर र महानगरीय ट्राफिक प्रहरी महाशाखाले यो अभियान लागू गर्नलागेको सर्वसाधारणलाई जानकारी गराएका हुन् । 

भित्री सहर व्यवस्थित गर्न, अन्य संरचनाका साथै ट्राफिक व्यवस्थापनलाई मध्यनजर गर्दै आगामी माघ २ गतेबाट बिहान ७ बजेदेखि बेलुका ७ बजेसम्म व्यस्त सहरमा आकस्मिक सेवाका साधनबाहेक अन्य चार पाङ्ग्रे सवारीसाधनलाई भोटाहिटीबाट असन चोकसम्म दुईतर्फी पूर्ण निषेध गरिएको हो ।

यस्तै, चारपांग्रे सवारीसाधनहरु एकतर्फी रुपमा नरदेवीबाट भेडासिङ्ग हुँदै इन्द्रचोकसम्म मात्र जान पाउनेछन् । त्यसैगरी, टेङ्गलबाट बाङ्गेमुढा हुँदै भेडासिङ्ग, इन्द्रचोकसम्म जान पाउने, क्षेत्रपाटीबाट ठहिटी हुँदै नघल बाङ्गेमुढा, भेडासिङ्ग हुँदै इन्द्रचोकसम्म एकतर्फी रुपमा मात्र जान पाउनेछन् । 

यस्तै, इन्द्रचोकबाट असन, इन्द्रचोकबाट भेडासिङ्ग, ज्याठाबाट त्यौड, ठहिटीबाट असन, कमलाक्षीबाट असन, महाबौद्धबाट असन, इन्द्रचोकबाट वंटुसम्म चारपाङ्ग्रे सवारीसाधन प्रवेशलाई निषेध गरिएको छ । नियम उल्लङ्घन गर्ने सवारी साधनलाई रु ५०० देखि एक हजारसम्म जरिवाना समेत तोकिएको छ । 

काठमाडौँ महानगरभित्रका १७, १८, १९, २२, २४, २५, र २७ वडा ऐतिहासिक, सांस्कृतिक एवं पुरातात्विक विश्वसम्पदाले भरिपूर्ण भएकाले यहाँको मौलिकता एवं पहिचानलाई जीवन्तता दिन र बाहिरी पर्यटकलाई यी सम्पदाहरुको अवलोकन गर्न आउँदा पर्ने अप्ठ्यारो तथा स्थानीय व्यापार गर्न तथा पैदलयात्रुलाई पर्न गएको असुविधालाई मध्यनजर राख्दै महानगरीय ट्राफिक प्रहरी तथा महानगरले यो अभियान ल्याएको हो । आकस्मिक अवस्थामा भने चारपाङ्ग्रे सवारीसाधन प्रवेश गर्न दिइनेछ । एम्बुलेन्स, दमकल, वृद्धवृद्धा तथा बालबालिकाको हकमा भने यो नियम लागू हुनेछैन । 

कार्यक्रममा महानगरका कार्यकारी प्रमुख धनीराम शर्माले महानगरको सांस्कृतीक एवं पुरातात्विक सम्पदाको संरक्षणको लागी चारपाङ्गे सवारीसाधन आगमनमा रोक लगाउन आवश्यक रहेको बताएका छन् ।

त्यस्तै महानगरीय ट्राफीक प्रहरी महाशाखाका प्रहरी निरीक्षक विदुर कुमार शर्माले भित्री सडकमा हिँड्ने पैदल यात्रुको असहजा हटाउन चारपाङ्गे सवारीसाधन प्रवेश हटाउन आवश्यक रहेको बताएका छन् । 
 

सम्बन्धित समाचार

काठमाडौँ महानगरको तेश्रो अधिवेशनमा मेयर शाक्यबाट १९१ बुँदामा नीति तथा कार्यक्रम प्रस्तुत

काठमाडौं । काठमाडौं महानगरका प्रमुख विद्यासुन्दर शाक्यले शनिबार राष्ट्रिय सभा गृहमा आयोजित काठमाडौं महानगरको तेश्रो अभिवेशनमा आर्थिक बर्ष २०७५-०७६ का लागि १६ बुँदे विषयगत नीतिमा १९१ बुँदे कार्यक्रम प्रस्ताव गरेका

जनप्रतिनिधि फलोअप : प्रधानमन्त्रीदेखि राष्ट्रपतिसम्म बस्ने विशिष्ट वडा नम्बर ३ 

काठमाडौँ । महानगरपालिकाका ३२ वडा मध्येको ठूलो वडाको तहमा वडा नम्बर ३ रहेको छ  । दक्षिण-उत्तर     सांग्रीला होटल, देखि न्युरो हस्पिटल ,  पुर्वमा चक्रपथको भाटभटेनिदेखि पश्चिममा सामाखुसी चोकसम्म ३ नम्बर

भरतपुर महानगरपालिकाले बजेट निर्माणका लागि विज्ञसंँग छलफल गर्दै

चितवन / भरतपुर महानगरपालिकाले विज्ञहरुको सुझावमा गुरुयोजना र सोही अनुसारको आउँदो आर्थिक वर्षका लागि बजेट निर्माण गर्न छलफल थालेको छ ।  अन्तर्राष्ट्रियस्तरको महानगरपालिका बनाउने संकल्प लिएको भरतपुर महानगरले व्यवस्थित गुरुयोजना बनाउँदैछ ।

काष्ठमण्डप पुननिर्माणको लागि महानगरले दियो ५० लाख 

काठमाडौँ । हनुमानढोका दरबार  क्षेत्रमा रहेको काष्ठमण्डप पुननिर्माणको लागि काठमाण्डौँ महानगरले काष्ठमण्डप पूननिर्माण समितिलाई ५० लाख रुपैँयाको चेक हस्तान्तरण गरेको छ ।  आज काष्ठमण्डप पूननिर्माण सम्बन्धि सम्झौता पत्रमा हस्ताक्षर गर्दे काठमाण्डौँ