सुशील कोइराला क्यान्सर अस्पताल सञ्चालनमा आउने

खरीबोट

नेपालगञ्ज ।  लामो समयको पर्खाइपछि बाँकेको खजुरास्थित सुशील कोइराला प्रखर क्यान्सर अस्पतालबाट बहिरङ्ग उपचार सेवा आगामी माघ महिनादेखि शुरु हुने भएको छ । 

नेपाल सरकारअन्तर्गत रहेको सो अस्पतालले यसअघि केही दिनका लागि स्याटेलाइट प्रणालीबाट बहिरङ्ग सेवा शुरु गरेको थियो, तर त्यसले निरन्तरता पाउन भने सकेन । 

अस्पतालका लागि आवश्यक पर्ने चिकित्सक, स्वास्थ्यकर्मी र प्रशासनिक कर्मचारीको नियुक्ति प्रक्रिया पनि थालिएको छ । अस्पताल सञ्चालक समितिका अध्यक्ष किस्मतकुमार कक्षपतिका अनुसार सबै कर्मचारीको लिखित परीक्षा भइसकेको छ, केही दिनभित्रै कर्मचारीको नियुक्त सरकारी तहबाट हुनेछ । 

सो अस्पताल सञ्चालनमा आएपछि मध्य तथा सुदूरपश्चिम क्षेत्रका क्यान्सर रोगका बिरामीलाई उपचारका लागि चितवन, काठमाडौँ र भारतका अस्पतालमा धाउनुपर्ने बाध्यताको अन्त्य हुने विश्वास गरिएको छ । 

अस्पतालले उपकरण खरिदका लागि टेण्डर आह्वान गरिसकेको र केही दिनभित्र तत्काल आवश्यक पर्ने उपकरण जडान भइसक्ने अध्यक्ष कक्षपतिले बताए । 

सम्बन्धित समाचार

क्यान्सरसँग लड्दै सोनाली, १२ बर्षिय छोराले सम्हाल्दै   

मुम्बई ।  क्यान्सरसँग लडिरहेकी अभिनेत्री सोनाली बेन्द्रेले आफ्नो अवस्था बारे सामाजिक संजालबाट बेला बेलामा अपडेट दिइरहेकी छन् ।  यसैबीच सोनालीले पछिल्लो अपडेटमा आफुले आफ्नो क्यान्सरबारे आफ्ना १२ बर्षिय छोरालाई जानकारी गराएको

बलिवुड अभिनेत्री सोनाली बेन्द्रे क्यान्सरबाट पिडित, आफैले गरिन् खुलासा 

काठमाडौं । बलिवुड अभिनेत्री सोनाली बेन्द्रेले आफुलाई क्यान्सर भएको खुलासा गरेकी छन् । सामाजिक संजालमा एक संदेश पोष्ट गर्दै बेन्द्रेले आफु क्यान्सरबाट पिडित भएको र हाल उपचारको क्रममा अमेरिकाको न्युयोर्कमा रहेको

एनएमबी बैंक र नेपाल क्यान्सर अस्पतालबीच सम्झौता

काठमाडौँ । एनएमबि बैंकले आफ्ना सम्पूर्ण ग्राहक तथा कर्मचारीहरुका लागि नेपालको आधुनिक क्यान्सर अस्पतालसँग बिभिन्न सेवा तथा सुबिधाहरुमा छुट प्रदान गर्ने बिशेष सम्झौता गरेको छ ।   सम्झौतामा एनएमबी बैंकका चिफ

सुशील कोइराला क्यान्सर अस्पताल सञ्चालन सोमबारदेखि

नेपालगञ्ज। बाँके जिल्लाको खजुरास्थित सुशील कोइराला प्रखर क्यान्सर अस्पतालले भोलि सोमबारदेखि ओपिडी सेवा शुरु गर्ने भएको छ ।  ओपिडी सेवा सञ्चालनका लागि अस्पताल व्यवस्थापन समितिले चिकित्सक, स्वास्थ्यकर्मी र कर्मचारीको व्यवस्थापन र सबैखाले