- २०८१ बैशाख १४ शुक्रबार
रौतहट । जिल्लाको माधवनारायण नगरपालिकामा करेन्ट लागेर एकजना विद्युत् कामदारको मृत्युु भएको छ ।
माधवनारायण नगरपालिका–१ दीपही गाउँमा पोलमा लाइन जोड्ने क्रममा तारमा विद्युत् प्रवाह भएर विद्युत् प्राधिकरण गौरका कामदार २२ वर्षीय सञ्जीव कुशवाहाको मृत्युु भएको प्रहरीले जनाएको छ ।
लामोसमयदेखि ढलिरहेको सो पोल ठड्याउने क्रममा १२ हजार भोल्टको पोलबाट करेन्ट लागेर कामदार कुुशवाहाको घटनास्थलमै मृत्युु भएको इलाका प्रहरी कार्यालय गंगा पिपराका प्रहरी नायब निरीक्षक रामानन्द चौधरीले बताए ।
आज अपराह्न करिब ३ बजे भएको सो घटनापछि प्राधिकरणका अन्य कर्मचारी घटनास्थलबाट फरार भएको तथा घटनाबारे अनुुसन्धान भइरहेको जिल्ला प्रहरी कार्यालय रौतहटले जनाएको छ ।
