चितवनको बालगृहमा बाढी पसेपछि ३६५ जनाको हेलिकप्टरबाट उद्धार

खरीबोट

चितवन । पश्चिम चितवनको जगतपुरमा रहेको आशा बालगृहमा राप्तीको बाढी पसेपछि त्यहाँ रहेका विद्यार्थी, शिक्षक र कर्मचारीलाई नेपाली सेनाको हेलिकप्टरबाट उद्धार गरिएको छ । 

बालगृहलाई बीचमा पारेर राप्तीको भङ्गालो बगेपछि त्यहाँ ३६५ जनालाई हेलिकप्टरबाट उद्धार गरिएको चितवनका प्रमुख जिल्ला अधिकारी नारायणप्रसाद भट्टले बताए । उनीहरुलाई नजिकै रहेको गौरचनको विद्यालयमा राखिएको छ । 

बालगृह भवनको पहिलो तला पानीले भरिएपछि उनीहरु दोस्रो, तेस्रो तला र छतमा बसेका थिए । सो स्थानमा भरतपुर महानगरपालिकाकी प्रमुख रेणु दाहाल, उपप्रमुख पार्वती शाह, प्रजिअ भट्टलगायत सुरक्षा निकायका प्रमुख पुगेपछि हेलिकप्टर मगाएर उद्धार गरिएको हो । 

यसअघि २०५९ सालमा बाढी आउँदासमेत सो बालगृह डुबानमा परेको थियो । 

यस्तै चितवन राष्ट्रिय निकुञ्जका १५ वटा सुरक्षा पोस्टमा बाढी पसेपछि त्यहाँ रहेका सुरक्षाकर्मी र निकुञ्जका कर्मचारीलाई उद्धार गरी सुरक्षित स्थानमा लगिएको छ । निकुञ्जका सूचना अधिकारी नुरेन्द्र अर्यालका अनुसार भीमपुर, कछुवानी, जर्नेली, सुकिभार, ध्रुव, घडगाई र बाघमारालगायतका पोस्ट बाढीले डुबानमा परेका छन् । निकुञ्जमा ५७ वटा पोस्ट रहेका छन् । 

निकुञ्ज हुँदै बग्ने खोलाको पानी राप्ती नदीको पानीले ठेलिएपछि पोस्टहरु डुबानमा परेका हुन् । त्यसैगरी निकुञ्जका वन्यजन्तु समेत बाढीले बगाएको अर्यालले बताउनुभयो । यद्यपि बाढीले बगाएको जनावरको एकिन तथ्यांक भने आउन सकेको छैन । 

सम्बन्धित समाचार

रेडक्रसको बाढी प्रभावितको सहयोग सम्बन्धी भेला सम्पन्न : ८ जिल्लामा पुनर्लाभ कार्यक्रम सञ्चालन गरिने 

काठमाडौँ । नेपाल रेडक्रस सोसाइटीले तराई मधेश क्षेत्रका बाढी प्रभावित १९ जिल्लाका शाखाको नेतृत्व र कर्मचारीहरुको भेला चितवनमा शनिवार सम्पन्न भएको छ ।  गत साउनको अन्तिम साता नेपालको तराइ क्षेत्रमा गएको

चिनियाँ राजदुतद्वारा बाढीपीडित दलित परिवारलाई राहत वितरण

बर्दिवास । नेपालका लागि चिनियाँ राजदूत यु होङले आज महोत्तरी लोहारपट्टी नगरपालिका–५ डोठारा बस्तीका २९० बाढीपीडित दलित परिवारलाई राहत वितरण गरे ।  गत वर्ष बाढीले आहत भएका सो बस्तीका मुसहर, दुसाध,

मन्त्रिपरिषदको बैठक: भूकम्प तथा बाढी पीडितलाई थप एक लाख अनुदान, ६५ वर्षमै बृद्ध भत्ता

काठमाडौं । सरकारले भूकम्प तथा बाढी पीडितहरुलाई दिँदै आएको रकम बढाउने निर्णय गरेको छ । सरकारले भूकम्प तथा बाढी पीडितहरुलाई अनुदान स्वरुप दिँदै आएको रकममा १ लाख थप गर्ने निर्णय गरेको

विश्वब्यापी तापक्रम वृद्धिका कारण बाढीको खतरा बढ्दो

बर्लिन, जर्मनी ।  जलवायु परिवर्तनसँगै आएको विश्वव्यापी तापक्रम वृद्धिका कारण आगामी केही दशकभित्र विश्वभर थप लाखौँ व्यक्ति नदीजन्य बाढीको खतरामा पर्ने वैज्ञानिकहरूले बताएका छन् ।  जर्मनीमा भएको अनुसन्धानले संयुक्त राज्य अमेरिका, भारत तथा