- २०८१ बैशाख ६ बिहीबार
काठमाडौँ । नेपाल टेलिकमले देशभर आफ्नो नेटवर्कमा हुने एसएमएस सेवा निःशुल्क गरेको छ । बाढी पहिरोले सञ्चार सम्बन्धमा असजता आएपछि टेलिकमले यस्तो घोषणा गरेको हो ।
अब देशभर म्यासेज पठाउँदा कुनै शुल्क लाग्ने छैन । आइतबारदेखि लागू भएको यो ब्यवस्था ३१ गते मंगलबारसम्म लागू हुने नेपाल टेलिकमले जनाएको छ ।
बाढी र पहिरो पीडितलाई ध्यानमा राखेर यो सेवfको घोषणा गरिएको भन्दै टेलिकमले अन्य क्षेत्रका ग्राहकले अति आवश्यक अवस्थामा मात्रै सेवा उपयोग गरिदिन आग्रह गरेको छ ।
सञ्चारमन्त्री मोहनबहादुर बस्नेत आज एक कार्यक्रममा बोल्दै बाढी प्रभावित क्षेत्रका बासिन्दालाई सूचना आदान प्रदान गर्न सहज होस् भनेर यो निर्णय गरेको बताएका छन् ।
टेलिकमले नेपाल टेलिकमको मोबाइलमा एसएमएस गर्दा मात्रै यो सुविधा पाइने जनाएको छ ।
