पत्रकार माइकल वुल्फको किताबले राष्ट्रपति ट्रम्पको बढ्यो ‘तनाव’  

खरीबोट

वाशिंगटन ।  अमेरिकामा पछिल्लो पटक राष्ट्रपति डोनाल्ड ट्रम्पका बारेमा लिखेएको किताबको निकै चर्चा रहेको छ । 

पत्रकार माइकल वुल्फले लेखेको ट्रम्प प्रशासन सम्बन्धी पुस्तक ‘फायर एण्ड फ्यूरी : इनसाइड द ट्रम्प ह्वाइट हाउस’ मा राष्ट्रपति ट्रम्पको ह्वाइट हाउस यात्रा र त्यसपछिका विभिन्न पक्षका बारेमा खुलाइएको बताइएको छ ।

बिबिसीका अनुसार पुस्तकमा स्टीभ बेननसहितका ट्रम्पका पूर्व सहयोगीले ट्रम्प प्रशासनका बारेमा गोप्य कुरा खुलाएको, ट्रम्पकी छोरी पनि राष्ट्रपति बन्न चाहेको, अमेरिकी राष्ट्रपति चुनावमा रुसी हस्तक्षेप, ट्रम्प र उनकी श्रीमती मेलानियाको सम्बन्ध राम्रो नभएको, निर्वाचनमा जित्नेमा विस्वास नभएको आदि बारेमा लेखिएको उल्लेख गरेको छ । 

यस किताबले ट्रम्प प्रशासन समस्यामा परेको र यसलाई रोक्ने प्रयास भएको रिपोर्ट बाहिर आएको छ । यस किताबमा बेननले अमेरिकी राष्ट्रपति चुनावमा रुसी हस्तक्षेपका बारेमा लेखेको बताइएको छ । 

यस किताबमा हिलारी क्लिन्टनका बारेमा डोनाल्ड ट्रम्पका छोरालाई रुसी अधिकारीले सन् २०१६ को जुनमा भएको भेटमा जानकारी दिएको बेननले बताएका हुन् । रुसी अधिकारीसँगको ट्रम्प जुनियरको भेट गैरकानुनी रहेको बेननले पुस्तकमा बताएका छन् । सन् २०१६ मा भएको राष्ट्रपति चुनावमा ट्रम्पलाई जिताउन बेननको महत्वपूर्ण हात रहेको अमेरिकी सञ्चारमाध्यमले बताउदै आएका छन् ।

ट्रम्पले चुनाव जितेपछि पनि बेनन ह्वाइटहाउसको सल्लाहकार तथा सहयोगको रुपमा रहेका थिए । प्रमुख रणनीतिक सल्लाहकारको रुपमा रहेका बेननलाई राष्ट्रपति ट्रम्पले गएको अगस्टमा हटाएका थिए । 

गएको अगस्टमा बेननलाई खर्बास्त गर्ने बेलामा ट्रम्पले बेननलाई धन्यवाद दिँदै आफ्नो चुनावी अभियानमा ठूलो सहयोग गरेको बताएका ट्रम्पले आफ्नो बारेमा गम्भीर खुलासा गरेपछि ट्रम्पले बुधबार वक्तव्य जारी गरेर बेननको आरोपको खण्डन गर्दै बेनन र आफ्नो राष्ट्रपति चुनावमा उम्मेदवारीबिच कुनै सम्बन्ध नरहेको दाबी गरेका थिए । त्यस्तै बेननले आफू बर्खास्त भएका बेला होस पनि गुमाएको र बेहोसीमा नचाहिने कुरा बोल्दै हिँडेको ट्रम्पले आरोप लगाएका थिए । 

विवादास्पद बनेको पत्रकार वुल्फको पुस्तकमा ट्रम्पले राष्ट्रपतीय चुनाव अप्रत्यासित रुपमा जितेको पनि उल्लेख गरिएको छ । यसअघि आउँदो मंगलबार सार्वजनिक हुने भनिएको पुस्तक आज सार्वजनिक हुने लेखक वुल्फ़ले जानकारी दिएका छन् ।
 

सम्बन्धित समाचार

ट्रम्प सञ्चारकर्मीको भोजमा सहभागी नबन्ने

वासिङ्टन । अमेरिकी राष्ट्रपति डोनाल्ड ट्रम्पले यस वर्ष पनि सञ्चारकर्मीको आयोजनामा गरिने भोज कार्यक्रममा सहभागिता नजनाउने निर्णय गरेको आयोजकले जनाएको छ ।  हामीलाई राष्ट्रपति ट्रम्पद्वारा ह्वाइट हाउसका सञ्चारकर्मीको संगठनद्वारा आयोजनामा यही

मेक्सिकोसँगको सीमाक्षेत्रमा अमेरिकाले सैनिक खटाउने

वासिङटन । अमेरिकाका राष्ट्रपति डोनाल्ड ट्रम्पले मेक्सिकोसँगको सीमा क्षेत्रमा सैनिक खटाउने बताएका छन् ।  आफ्नो प्रतिबद्धताअनुसार अमेरिका र मेक्सिकोको सीमा क्षेत्रमा पर्खाल नलगाउदा सम्मका लागि सैनिक खटाउन लागिएको राष्ट्रपति ट्रम्पले मंगलबार

अमेरिकी राष्ट्रपति डोनाल्ड ट्रम्पका छोरा ट्रम्प जुनियरले गरे श्रीमतीसँग डिभोर्स 

वाशिंगटन । अमेरिकी राष्ट्रपति डोनाल्ड ट्रम्पका छोरा डोनाल्ड ट्रम्प जुनियरले आफ्नी श्रीमती भेनेसा ट्रम्पसँग डिभोर्स गर्ने भएका छन् ।  सिएनएनका अनुसार आफ्नो १२ बर्षे वैवाहिक जीवनलाई अन्त्य गर्ने निर्णय गर्दै दुवैले

उत्तर कोरियासँगको वार्तामा अभूतपूर्व प्रगति हुने राष्ट्रपति ट्रम्पको भनाई

अमेरिका । संयुक्त राज्य अमेरिकाका राष्ट्रपति डोनाल्ड ट्रम्पले उत्तर कोरियाका नेतासँग हुन गइरहेको वार्ता अभूतपूर्वरुपमा सफल हुने भविश्यवाणी गरेका छन् ।  उनले भने – मैले देखेको छु कि हामीले उत्तर कोरियासँग