एल क्लासिकोका रोचक घटना : रोनाल्डोको मुखमा मेसीको फ्री-किक 

खरीबोट
ad

काठमाडौं । स्पेनिस ला लिगाको एल क्लासिकोमा गएराती भएको खेलमा बार्सिलोनाले रियल म्याड्रिडलाई सजिलै पराजित गर्यो । खेलको पहिलो हाफमा रियलले केहि दबाब सिर्जना गरेपनि दोस्रो हाफमा बार्सिलोनाले खेल पूर्ण रुपमा आफ्नो पक्षमा पार्यो । 

१० खेलाडीआमा सिमित भएको रियलले केहि प्रयासहरु गरेको भएपनि गोलमा परिणत गर्न नसक्दा यो खेल मात्र हारेन यस सिजनको ला लिगा समेत गुमाउने खतरा बढेको छ ।
यस एल क्लासिकोमा यही रोचक घटनाहरु पनि भएका छन् ।

पहिलो हाफमा रोनाल्डोले केहि उत्कृष्ट मौका पाए पनि त्यसलाई गोल गर्न सकेनन् । रोनाल्डोको प्रदर्शनको हिसाबले यो खेल सम्झिन लायक भएन । 

मेसी र रोनाल्डोको भिडन्तको रुपमा लिइएको यस खेलमा मेसीले हानेको फ्री किक रोनाल्डोको मुखमा लागेपछि यसको चर्चा अहिले सामाजिक सञ्जालमा चुलिएको छ । रियल र बार्सिलोनाका पूर्वखेलाडीहरुले यसलाई मेसीको योजना अनुसार नै भएको भनेर रोनाल्डोको मजाक उडाएका छन् भने कसैले मेसी आफ्नो योजनामा सफल भएको प्रतिक्रिया दिएका छन् ।

यस क्लासिकोको अर्को घटना बार्सिलोनाका जोर्डी एल्बाले रियलका लुका मोडरीचलाई छ्क्काउदै इनेष्टालाई बल दिएको क्षण रहेको छ । अल्बाले मोडरिचलाई छल्दै बल इनेस्टालाई दिदा मोर्डरिच अलमलमा परेका थिए ।

त्यस्तै यस खेलमा खेल सुरु हुनुभन्दा र खेल भैरहेको बेलाका दुई वटा दृश्य रोचक देखिएका थिए । खेल सुरु हुनुभन्दा पहिले रोनाल्डो र मेसीले हात मात्र मिलाएनन्, गला नै मिलाएका थिए । 

त्यस्तै खेल भैरहँदा लड्न पुगेका मेसीलाई रोनाल्डोले उठाएको दृश्यले दुवैबीचको आत्मियताको झलक देखिएको थियो ।

यस बर्ष कुल ५ उपाधि जितेको रियल म्याड्रिडको बर्ष भने निराशाजनक रुपमा सकिएको छ । ला लिगा, च्याम्पियन्स लिग, स्पेनिश सुपर कप, युईएफए सुपर क र क्लब विश्वकप जितेको म्याड्रिडले अब यस सिजनको ला लिगा गुमाउने सम्भावना बढेको छ ।

सम्बन्धित समाचार

एल क्लासिको बराबरीमा, बार्सिलोनाको अपराजित यात्रा कायमै

काठमाडौँ । एल क्लासिको अन्तर्गत गएराती भएको खेल बराबरीमा सकिएको छ । बार्सिलोनाको घरेलु मैदानमा भएको खेलमा दुवै टिमले २-२ गोल गरेपछि खेल बराबरीमा सकिएको हो । बार्सिलोनाका लागि लुइस स्वरेज र

कसले जित्ला एल क्लासिको ? यस्तो छ अहिलेसम्मको भिडन्तको इतिहास 

काठमाडौँ । स्पेनिश ला लिगाको बार्सिलोना र रियल म्याड्रिडबीचको यस सिजनको बहुप्रतिक्षीत खेल एल क्लासिको आज राति हुदै छ ।  यस सिजनको ला लिगाको उपाधि जितिसकेको बार्सिलोना र च्याम्पियन्स लिगको फाइनलमा

एल क्लासिकोमा रोनाल्डो या मेसी को छ उत्कृष्ट ?

काठमाडौँ । विश्व फुटबलमा पछिल्लो एक दशकभन्दा बढी राज गरेका क्रिस्टियानो रोनाल्डो र लियोनेल मेसी आइतबार राति एल क्लासिकोमा एक अर्का विरुद्ध खेल्दैछन् ।  स्पेनका दुई महारथी क्लब बार्सिलोना र रियल

एल क्लासिकोका रोचक घटना : रोनाल्डोको मुखमा मेसीको फ्री-किक 

काठमाडौं । स्पेनिस ला लिगाको एल क्लासिकोमा गएराती भएको खेलमा बार्सिलोनाले रियल म्याड्रिडलाई सजिलै पराजित गर्यो । खेलको पहिलो हाफमा रियलले केहि दबाब सिर्जना गरेपनि दोस्रो हाफमा बार्सिलोनाले खेल पूर्ण

Loading...

Loading...