- २०८१ बैशाख ७ शुक्रबार
मुम्बई । केहि समय अघि आफु भन्दा ३४ बर्ष कम उमेरकी युवतीसँगको प्रेमका कारण चर्चामा आएका बलिवुडका सुपर मोडल एवं अभिनेता मिलिंद सोमनले छिट्टै घरजम गर्ने भएका छन् ।
मिलिंद सुपर मोडल तथा अभिनेता मिलिंद केहिसमय देखि १८ बर्षिय युवती अंकिता कोनवरसँग रोमान्स गर्दै छन् । उनीहरुले आगामी बर्ष विवाह गर्ने योजना बनाएको स्पोटब्यायले लेखेको छ । त्यसको तयारी स्वरूप मिलिंदले अंकिताका परिवारलाई भेटेर तयारी सुरुगरेको बताइएको छ ।
गत नोभेम्बरमा अंकिता कोनवरले मिलिंदसँगका छुट्टीमा विताएका तस्बिर सामाजिक सञ्जालमा पोष्ट गरेपछि मिलिंद र अंकिताको प्रेम सम्बन्धको चर्चा चलेको थियो । समाजिक सञ्जालमा त मिलिंद र अंकिताको उमेर अन्तरलाई लिएर मजाक नै बनाइएको थियो । दुवैमा ३४ बर्षको उमेर अन्तरका कारण पनि यो जोडी अहिलेपनि चर्चामा रहेको छ ।
केहि महिना अघि मिलिंदले आफुभन्दा धेरै कम उमेरकी युवतीसँग प्रेममा परेको आफै खुलासा गरेका थिए । अंकित एयर होस्टेज भएको बताइएको छ । मिलिंदले सामाजिक सञ्जालमा आफ्नो प्रेमको खुलासा गर्दै सम्बन्ध दुई व्यक्तिविच हुने हुनाले उमेरले यसमा केहि नगर्ने उल्लेख गरेका थिए ।
पछिल्लो पटक सैफ अलि खानसँग फिल्म ‘सेफ’ मा देखिएका मिलिंद संसारभर एक मोडल र फिट मोडलको रुपमा चिनिन्छन् ।
