इंग्लिस प्रिमियर लिगको पहिलो खेलमा आर्सनलको रोमान्चक जित 

खरीबोट

आर्सनलका ओलिभर जिराउड गोल गरेपछि खुशी मनाउदै

काठमाडौँ । इंग्लिस प्रिमियर लिग फुटबलको नयाँ सिजन सुरु भएको छ । सिजनको पहिलो खेलमा आर्सनलले लेस्टर सिटीमाथि रोमान्चक जित हासिल गर्दै नयाँ सिजनमा विजयी सुरुवात गरेको छ ।

शुक्रबार देखि सुरु भएको प्रिमियर लिगको २६औं सिजनमा घरेलु मैदानमा भएको खेलमा लेस्टर सिटीलाई ४–३ ले हराउँदै आर्सनलले लिगको यस सिजनमा विजयी सुरुवात गरेको हो । खेलमा ३-३ गोलको बराबरी रहेको बेला सबस्टिच्युडको रुपमा मैदान छिरेका ओलिभर जिराउडले आर्सनलका लागि विजयी गोल गरेका थिए । 

खेलको दोस्रो मिनेटमा नै एलेक्जेन्डर ल्याकेजेटले गोल गर्दै आर्सनललाई अग्रता दिलाएपनि त्यसको तीन मिनेटपछि शिन्जी ओकाजाकीले गोल गर्दै लेस्टरका लागि बराबरी गोल फर्काएका थिए । 

२९ औं मिनेटमा लेस्टरका जेमी भर्डीले गोल गरेपछि लेस्टरले २-१ को अग्रता लिएको थियो तर पहिलो हाफको इन्जुरी समयमा आर्सनलका ड्यानी वेलबेकले बराबरी गोल फर्काउदै पहिलो हाफमा २–२ को बराबरीमा पुर्याएका थिए ।  खेलको ५६औं मिनेटमा भर्डीले व्यक्तिगत दोस्रो गोल गर्दै लेस्टरलाई ३-२ को अग्रता दिलाए ।

सबस्टिच्युडको रुपमा मैदान छिरेका आरोन रामसीले खेलको ८३ औं मिनेटमा आर्सनलका लागि बराबरी गोल फर्काउदै आर्सनललाई खेलमा फर्काएका थिए । त्यसको दुई मिनेटपछि जिराउडले गोल गर्दै आर्सनललाई ४–३ को जित रोमान्चक जित दिलाए । लिगको पहिलो खेलमै ७ गोल भएको छ । यो जितसँगै आर्सनलले महत्वपूर्ण तीन अंक जोडेको छ ।

सम्बन्धित समाचार

पिएसजीका पुर्वम्यानेजर इमेरी आर्सनलको म्यानेजर बन्ने निश्चित 

काठमाडौँ । इङलिश प्रिमियर लिग क्लब आर्सनलको नयाँ म्यानेजरमा फ्रान्सको पिएसजीका पुर्व म्यानेजर उनाइ इमेरी बन्ने भएका छन् । यसै सिजनमा पिएसजी छोडेका इमेरीले २२ बर्षसम्म आर्सनलको म्यानेजर बनेका आर्सन वेंगरको

म्यानचेस्टर युनाइटेडद्वारा आर्सनल पराजित, फेलानीले गरे निर्णायक गोल 

काठमाडौँ । इङलिश प्रिमियर लिग अन्तर्गत म्यानचेस्टर युनाइटेडले आर्सनललाई अपराजित गरेको छ ।  गएराती युनाइटेडको घरेलु मैदानमा भएको खेलमा फेलानीले खेलको अन्तिमसमयमा गरेको निर्णायक गोलले आर्सनल २-१ ले पराजित भयो ।

ग्रिजम्यानले गरे एथलेटिकोको रेस्क्यु, युरोपा लिगमा आर्सनलविरुद्ध १-१ को बराबरी

काठमाडौँ । युरोपा लिग अन्तर्गत सेमिफाइनलको पहिलो लिगमा एथलेटिको म्याड्रिडले आर्सनलसँग बराबरी खेलेको छ ।  गएराती आर्सनलको घरेलुमैदानमा भएको खेलमा एथलेटिकोले एन्टोनी ग्रिजम्यानको गोलको मद्धतले गोल फर्काउदै १-१ को बराबरी नतिजा

घरेलु मैदानमा वेस्टह्यामविरुद्ध आर्सनलको सहज जित 

काठमाडौँ । आर्सनलका म्यानेजर आर्सन वेंगरले क्लब छोड्ने घोषणा गरेपछिको पहिलो खेलमा आर्सनलले वेस्टह्याम युनाइटेडलाई पराजित गरेको छ । इङलिश प्रिमियर लिग अन्तर्गतको आइतबार भएको खेलमा आर्सनलले आफ्नो घरेलु मैदानमा वेस्टह्यामविरुद्ध ४-१