पेट्रोलियम व्यवसायीको आन्दोलन फिर्ता

खरीबोट

फाइल तस्विर

काठमाडौँ ।  नेपाल पेट्रोलियम डिलर्स राष्ट्रिय एशोसियसनले इन्धन ढुवानी नगर्ने भनी घोषणा गरेको आन्दोलनका कार्यक्रम फिर्ता लिएको छ । 

एशोसियसनले ढुवानीका क्रममा हुने प्राविधिक नोक्सानीको क्षतिपूर्ति बढाउन माग गर्दै आजदेखि नेपाल आयल निगमको डिपोबाट पेट्रोलियम पदार्थ खरिद नगर्ने तथा यही साउन ३१ गतेदेखि पम्पबाट तेल बिक्री वितरण बन्द गर्ने घोषणा गरेको थियो । 

एशोसियसनका अध्यक्ष लीलेन्द्र प्रधानले व्यवसायीका केही माग पूरा भएकाले अहिलको आन्दोलनका कार्यक्रम फिर्ता लिइएको जानकारी दिए । 

व्यवसायीले चार हजार लि पेट्रोलियम पदार्थ ढुवानी गर्दा पेट्रोलमा करिब ८५ लि र डिजेलमा ५० लि प्राविधिक नोक्सानी हुने जिकिर गर्दै सोहीअनुरुपको नोक्सानीको क्षतिपूर्ति पाउनुपर्ने माग राख्दै आन्दोलनको घोषणा गरेका थिए । 

निगमले चार हजार लि पेट्रोलमा ३५ लि र डिजेलमा २४ लि प्राविधिक क्षतिको भर्पाई दिने गरेकामा थप पेट्रोलको १० लि र डिजेलको तीन लि क्षतिको भर्पाई दिने निर्णय गरेपछि आफूहरुले आन्दोलनका कार्यक्रम फिर्ता लिएको अध्यक्ष प्रधानले जानकारी दिए । ढुवानीका क्रममा हुने प्राविधिक नोक्सानी सम्बन्धमा छ महिनाभित्र अध्ययन गरी सोको प्रतिवेदनका आधारमा थप निर्णय लिने सहमति भएको बताइएको छ । 

सम्बन्धित समाचार

पेट्रोलियमभन्दा विद्युतीय सवारी साधन सञ्चालन खर्च सस्तो

काठमाडौँ । पेट्रोलियम पदार्थबाट चल्ने सवारी साधनभन्दा विद्युत्बाट चल्ने सवारी साधनको सञ्चालन खर्च प्रतिकिलोमिटर रु चार सस्तो पर्ने देखिएको छ ।  नेपाल विद्युत् प्राधिकरणले गरेको अनौपचारिक अध्ययनअनुसार हाल सञ्चालनमा रहेका बसको

पेट्रोलियम पाइपलाइन निर्माण तीव्र, ३० महिनामा सक्ने निगमको लक्ष्य

बारा । इन्धन आपूर्तिको दृष्टिले महत्वपूर्ण मानिएको पेट्रोलियम पाइपलाइन योजनाअन्तर्गत सीमावर्ती भारतीय सहर रक्सोलदेखि नेपालको बारास्थित अमलेखगञ्जसम्मको निर्माणकार्यले तीव्रता पाएको छ ।  भारतीय सहर रक्सौलदेखि बाराको अमलेखगञ्जसम्मको ३६.२०६ किलोमिटर लामो पेट्रोलियम

आयल निगमद्वारा पेट्रोलियम पदार्थको मूल्यवृद्धि

काठमाडौँ ।  नेपाल आयल निगमले आज राति १२ बजेदेखि लागू हुने गरी पेट्रोलियम पदार्थको मूल्यवृद्धि गरेको छ ।  निगम सञ्चालक समितिको केही बेरअघि सम्पन्न बैठकले पेट्रोलमा रु एक तथा डिजेल र

पेट्रोल, डिजेल र मट्टितेलको मुल्य फेरी बढ्यो 

काठमाडौं । नेपाल आयल निगमले फेरी पेट्रोलियम पदार्थको मुल्य बढाएको छ । अन्तर्राष्ट्रिय बजारमा मूल्य बढेको भन्दै बुधबार पेट्रोल, डिजेल र मट्टितेलको मूल्यवृद्धि गरेको हो । निगमले पेट्रोलमा १, डिजेल र