- २०८१ बैशाख ११ मंगलबार
काठमाडौं । प्रत्यक्ष तर्फको निर्वाचन सकिएका निर्वाचन क्षेत्रहरुमा समानुपातिकतर्फको मतगणना भइरहेको छ र अन्तिम परिणाम आउने तयारीमा छ । निर्वाचन आयोगका अनुसार ७३ जिल्लाको मत गणना सकिएको छ ।
हाल भइरहेको मतणनाको प्रारम्भिक नतिजा अनुसार एमाले र काँग्रेसबीच प्रतिष्पर्धा देखिएको छ भने माओवादी तेस्रो स्थानमा रहेको छ । पछिल्लो मत परिणाम अनुसार एमाले अगाडी रहेको छ । एमाले र काँग्रेसले ३१- ३१ लाख मत कटाएका छन् । त्यस्तै राजपाले ४ लाख मत र विवेकशीलले २ लाख मत कटाएका छन् ।
त्यस्तै फोरम र राजपाले थ्रेस होल्डको सिमा कटाउदै राष्ट्रिय दल बनेका छन् राप्रपा र विवेकशील थ्रेस होल्ड कटाउन नसक्ने देखिएका छन् ।
पछिल्लो मत परिणाम अनुसार माओवादी केन्द्र तेस्रो स्थानमा रहेको छ । माओवादी केन्द्रले पनि १२ लाख मत कटाएको छ । त्यस्तै फोरम चौथो स्थानमा रहेको छ भने राजापा पाचौ, राप्रपा छैठौ स्थानमा रहेको छ । त्यस्तै विवेकशील सातौ र राप्रपा-प्रजातान्त्रिक आठौ स्थानमा रहेको छ । त्यस्तै नयाँ शक्ति नवौ र राजमो दशौ स्थानमा रहेका छन् ।
शनिबार अपराह्न ३ बजेसम्मको समानुपातिकतर्फ खसेको मत यस्तो छ-
१. नेकपा एमाले- ३१५५७७६
२. नेपाली कांग्रेस- ३१००५१६
३. माओवादी केन्द्र – १२९३९३१
४. फोरम – ४६४१८१
५. राजपा – ४६२४९९
६. विवेकशील -२१२१५३
७. राप्रपा – १९५९६०
८ राप्रपा प्रजातान्त्रिक – ८८०८४
९. नयाँ शक्ति – ८११५९
१०. राजमो – ६२११७
