इन्टरनेट वितरणमा १७ प्रतिशतले वृद्धि, टेलिफोनको संख्या साढे ३ करोड माथि

काठमाडौँ । सूचना प्रविधिको विकाससँगै फैलिएको इन्टरनेट सञ्जाल नेपालमा पछिल्लो समयमा १७ दशमलब ४ प्रतिशतले वृद्धि भएको छ । यसको वृद्धिसँगै नेपालमा एक करोड ६१ लाख ८६ हजार सात सय ५९ पुगेको छ । 

नेपालमा सञ्चालनमा आएका नेपाल टेलिकम, एनसेल, युटिएललगायतका कम्पनीबाट वितरित इन्टरनेट सेवा हो । नेपाल राष्ट्रको तथ्यांकअनुसार एक वर्षको अवधिमा उक्त संख्यामा इन्टरनेट सेवा वितरित भएको छ । नेपाल टेलिकम, एन–सेल तथा अन्य कम्पनीहरुबाट देशभर वितरण गरिएको मोवाईल (सिडिएमए समेत) तथा ल्याण्ड–लाइन टेलिफोनको संख्यामा पनि उच्च वृद्धि देखिएको छ । 

यी कम्पनीबाट वितरण भएको टेलिफोनमा १४ दशमलब ० प्रतिशतले वृद्धि भई हाल तीन करोड ५८ लाख ७८ हजार आठ सय ४३ पुगेको छ । जसअनुसार टेलिफोन घनत्व १२४ दशमलब ९ तथा इन्टरनेट घनत्व ५६ दशमलव ४ पुगेको छ । नेपाल राष्ट्र बैंकले विभिन्न् ५७ जिल्लामा गरेको आर्थिक गतिविधि अध्ययनले यस्तो देखाएको हो ।

उक्त अध्ययन प्रतिवेदनका अनुसार नेपालमा एक व्यक्तिसँग एकभन्दा बढी टेलिफोन रहेको देखाएको छ । जस्ले गर्दा टेलिफोनको घनत्व उच्च देखिएको हो । नेपाल टेलिकम र एनसेलका सबै सिडिएमएलगायतका फोन तथा वितरण भएको इन्टरनेटको कुल संख्या तथा उक्त जनसंख्या यसबाट प्रभावित भएको छ । यसैगरी दुरसञ्चार प्रदायक कम्पनीमा अन्य युटियललगायतका अन्य सञ्चार कम्पनीहरुको हिस्सामा पनि वृद्धि भएको देखिएको छ । 

संचार क्षेत्रमा भएको प्रगति

स्रोत: नेपाल राष्ट्र बैंक