'कन्स्पिरेसी थिअरिष्ट'हरुको दाबी : नासाले एलियनबारेको तथ्य लुकाउँदै छ !

खरीबोट

फाइल फोटो ।

ad

उत्तर अमेरिका । कन्स्पिरेसी थिअरिष्ट (मनगढन्ते व्याख्याता) स्कट सी वेरिंगले नासालाई एलियनबारे धेरै कुरा थाहा भएको दाबी गरेका छन् । नासाले वर्षौँ वर्षदेखि अन्तरिक्ष यानहरुले धेरै तथ्यहरुबारे पत्ता लगाए पनि त्यसलाई सार्वजनिक गर्न आनाकानी गरेको आरोप लगाएका हुन् । 

विशेष गरी भोयागर १, नासाको सबैभन्दा पुरानो मानवरहित अन्तरिक्ष यानले हाम्रो सौर्यप्रणालीबाहिर रहेर अनुसन्धान गरिरहेको छ । सन् १९७७ को सेप्टेम्बर ५ मा यसलाई प्रक्षेपण गरिएको थियो ।

यूएफओ साइटिंग्स डेली नामको एलियन ब्लगका संस्थापक समेत रहेका वेरिंगले नासालाई १३ बिलियन माइल टाढा रहेको यानले संकलन गरेका तथ्य तथ्यांकहरु सार्वजनिक गर्न आग्रह समेत गरेका छन् । आफूले नासालाई भने पनि उसले भने कुनै प्रतिक्रिया नदिएको उनको दाबी छ । 

उक्त यानले ४० वर्षदेखि सोलार सिष्टम बाहिर रहेर डाटा संकलन गरिरहेको छ ।  उनको दाबी के पनि छ भने हाम्रै सौर्य प्रणालीभित्र र बाहिर एलियन (अर्कै ग्रहका प्राणी)हरुको अस्तित्व छ तर यसबारे केवल नासालाई मात्र थाहा छ र उनीहरु यो कुरा लुकाइरहेका छन् । 

यद्यपि उनले यस्तो दाबी गरे पनि नासाले भने अन्तरिक्ष यानहरुले खिचेका तस्बिर, तथ्य तथ्यांकको जानकारी बेलाबखत दिँदै आएको छ । केही समयअघि मात्रै ३० वर्षपछि पुनः आफ्नो अन्तरिक्ष यान भोयागर १ को थष्र्टर (अगाडि धकेल्ने शक्तियुक्त मेसिन) विष्फोट गराएर मिसन लम्ब्याएको थियो । 

सम्बन्धित समाचार

किन सूर्य छुन चाहन्छन् वैज्ञानिकहरु ? अगष्ट ४ मा हुँदै छ नासाको सपना साकार

अमेरिका / अमेरिकी अन्तरिक्ष अनुसन्धान संस्था (नासा)ले लामो समयदेखि प्रतीक्षारत अन्तरिक्ष अनुसन्धातृ स्पेसक्राफ्टको निर्माण अन्तिम चरणमा पुर्याएको छ । उक्त यानले सूर्यलाई समेत छुने विश्वास गरिएको छ । नासाका अनुसार अर्को

ब्रह्माण्डमा एक्लो मानव ? नयाँ अध्ययन भन्छ - अर्को ग्रहमा जीवन र सभ्यता छैन ! 

मानिसहरु वर्षौँदेखि अन्य ग्रहमा बसोबास गरेका भनिएका एलियनको खोजीमा छन् । उनीहरुले यहाँबाट धेरै रेडियो तरंग पठाएर एलियनसँग सम्पर्क गर्ने तयारी गर्ने गरेका छन् । तर आजसम्म मानिसले एलियन भएको

मंगलग्रहमा धूलोको आँधी, सौर्य प्रकाश नछिरेपछि नासाको रोभर ‘कोमा’मा !

उत्तर अमेरिका । मंगलग्रहको अधिकांश भाग धूलीकणहरुले ढाकेको वैज्ञानिकहरुले बताएका छन् । विगत दुई सातादेखि यस्तो अनौठो घटना घटेको अमेरिकी अन्तरिक्ष संस्था (नासा)ले जनाएको छ । सोही कारण अनुसन्धानका लागि

मंगलग्रहमा हेलिकप्टर उडाउने तयारीमा नासा 

उत्तर अमेरिका । अमेरिकी अन्तरिक्ष अनुसन्धान संस्था (नासा)ले मंगलग्रहमा हेलिकप्टर पठाउने तयारी गरेको छ । यदि यस्तो मनोकांक्षा पूरा भए यो नै अर्को संसारमा पहिलो एयरक्राफ्ट प्रयोग हुनेछ ।  नासाले २०२०